YUV News Logo
YuvNews
Open in the YuvNews app
OPEN

ఫ్లాష్ న్యూస్

వార్తలు ఆంధ్ర ప్రదేశ్

వాస్తు ప్రభావంతో చంద్రబాబు సీఎం అవుతారు

వాస్తు ప్రభావంతో చంద్రబాబు సీఎం అవుతారు

 యువ్ న్యూస్ పొలిటికల్ బ్యూరో:

ఆంధ్రప్రదేశ్‌లో ఎన్నికల సమరం ముగిసింది. దీంతో మే 23న వెలువడే ఫలితాల కోసం నేతలు, ప్రజలు కళ్లు కాయలు కాసేలా ఎదురుచూస్తున్నారు. ఫలితాలపై జిల్లాల్లో జోరుగా బెట్టింగులు జరుగుతున్నాయి. రాజకీయ పార్టీ నేతలు ఎవరికి వారు తమదే విజయమని ధీమా వ్యక్తం చేస్తున్నారు. జ్యోతిష్యులు సైతం నేతల గ్రహబలాలు, వాస్తును బట్టి అధికారం ఎవరు చేపడుతారోనని అంచనా వేస్తున్నారు. ఈ నేపథ్యంలో ఏపీలో ఈసారి కూడా చంద్రబాబుదే అధికారమని గట్టిగా చెబుతున్నారు ప్రముఖ వాస్తు నిపుణుడు కొమ్మినేని మల్లేశ్వరరావు. చంద్రబాబు హైదరాబాద్‌లో కట్టుకున్న ఇంటికి వాస్తు భలేగుందని, దాని ప్రభావంతో ఆయన మళ్లీ ముఖ్యమంత్రి కావడం తథ్యమని మల్లేశ్వరరావు అన్నారు. తాను గత 20 సంవత్సరాలుగా వాస్తు శాస్త్రంలో ఎన్నో పరిశోధనలు చేశాయని, కచ్చితంగా తన జోష్యం నెరవేరుతుందన్నారు. మంగళగిరిలో నారా లోకేశ్ గెలిచి మంత్రి కావడం తథ్యమన్నారు. జగన్, పవన్‌ ఇళ్లకు కూడా వాస్తు బాగానే ఉన్నా.. ఇప్పుడు చంద్రబాబు హవా నడుస్తోందని మల్లేశ్వరరావు తెలిపారు. ఎన్ని అడ్డంకులు ఎదురైనా చంద్రబాబు మళ్లీ సీఎం పీఠంపై కూర్చోవడం ఖాయమని స్పష్టం చేశారు. అప్పట్లో నాదెండ్ల భాస్కర్‌రావుకు వాస్తు దోషం ఉండటం వల్లే ఆయన ఎక్కువ రోజులు ముఖ్యమంత్రిగా కొనసాగలేకపోయారని మల్లేశ్వరరావు తెలిపారు. 

Related Posts

0 comments on "వాస్తు ప్రభావంతో చంద్రబాబు సీఎం అవుతారు"

Leave A Comment