YUV News Logo
YuvNews
Open in the YuvNews app
OPEN

ఫ్లాష్ న్యూస్

వార్తలు తెలంగాణ ఆంధ్ర ప్రదేశ్

నా పెళ్లికి రండి... సీఎంకు ఎస్పీ లెటర్ 

నా పెళ్లికి రండి... సీఎంకు ఎస్పీ లెటర్ 

నా పెళ్లికి రండి...
సీఎంకు ఎస్పీ లెటర్ 
హైద్రాబాద్, సెప్టెంబర్ 11
తెలంగాణలో యువ ఐపీఎస్ అధికారిణి చందన దీప్తి గురించి ప్రత్యేకంగా పరిచయం చేయాల్సిన అవసరం లేదు. మెదక్ ఎస్పీగా విధుల నిర్వహణతోపాటు సోషల్ మీడియాలో కూడా ఎప్పుడూ యాక్టివ్‌గా ఉంటూ రాష్ట్ర వ్యాప్తంగా ప్రజల దృష్టి ఆకర్షించారు. పనితీరుతోనే కాకుండా తన అందంతోనూ గుర్తింపు తెచ్చుకున్న ఆమెకు యువతలో మంచి క్రేజ్ ఉంది. సోషల్ మీడియాలో యువతను ఉద్ధేశించి స్ఫూర్తిదాయక సందేశాలు పెడుతూ ఫాలోయింగ్ సంపాదించుకున్నారు.ఇటీవలే ఎస్పీ చందన దీప్తికి వివాహం నిశ్చయమైన విషయం తెలిసిందే. అక్టోబర్‌లో ఆమె పెళ్లి వేడుక హైదరాబాద్‌లో ఘనంగా జరగనుంది. ఈ సందర్భంగా తన పెళ్లికి హాజరు కావాలని చందన దీప్తి తెలంగాణ సీఎం కేసీఆర్‌కు ఆహ్వానం పలికారు. బుధవారం ప్రగతిభవన్‌లో కేసీఆర్‌ను కలిసి తన వివాహ ఆహ్వాన పత్రిక అందజేశారు.ఆంధ్రప్రదేశ్ ముఖ్యమంత్రి జగన్‌మోహన్ రెడ్డి బంధువుతో చందన దీప్తి పెళ్లి నిశ్చయమైనట్లు తెలుస్తోంది. దీంతో ఆమె పెళ్లికి ఏపీ సీఎం కూడా హాజరుకానున్నారని సమాచారం. చందన దీప్తి వివాహం సందర్భంగా మరోసారి తెలుగు రాష్ట్రాల ముఖ్యమంత్రులు ఇద్దరూ ఒకే వేదికపై కనిపించనున్నారు.ఇటీవల ఓ యూట్యూబ్ ఛానెల్‌కి ఇచ్చిన ఇంటర్వ్యూలో పెళ్లి గురించి చందన దీప్తి ఆసక్తికర వ్యాఖ్యలు చేశారు. తాను ప్రేమ వివాహమే చేసుకుంటానని వ్యాఖ్యానించారు. అయితే.. తనకు కాబోయేవాడు ఇంతవరకు తనను కలవలేకపోయాడని ట్విస్టు ఇచ్చారు. తనకు అప్పటికే 
పెళ్లయినట్లు నెట్టింట్లో వార్తలు చక్కర్లు కొడుతున్న నేపథ్యంలో ఆమె అలా సరదా వ్యాఖ్యలు చేశారు.ఆ వ్యాఖ్యలు కాస్త ఇంటర్నెట్‌లో వైరల్‌గా మారాయి. ఎస్పీ చందనకు తెలంగాణలో మంచి ఫాలోయింగ్ ఉంది. ఆమె పెళ్లి విషయం తెలియగానే వరుడు ఎవరనే విషయం తెలుసుకోవడానికి ఆసక్తి చూపుతున్నారు. ఆయన విదేశాల్లో ఉన్నత విద్య అభ్యసించి స్వదేశానికి వచ్చినట్లు సమాచారం. రియల్ ఎస్టేట్ రంగంలో స్థిరపడ్డట్టు తెలుస్తోంది.
 

Related Posts