YUV News Logo
YuvNews
Open in the YuvNews app
OPEN

ఫ్లాష్ న్యూస్

వార్తలు సినిమా తెలంగాణ ఆంధ్ర ప్రదేశ్

చిరంజీవిని చూసి నేర్చుకున్నా... పొలిటికల్ ఎంట్రీకి దూరము : కిచ్చా సందీప్ 

చిరంజీవిని చూసి నేర్చుకున్నా... పొలిటికల్ ఎంట్రీకి దూరము : కిచ్చా సందీప్ 

చిరంజీవిని చూసి నేర్చుకున్నా... పొలిటికల్ ఎంట్రీకి దూరము : కిచ్చా సందీప్ 
బెంగళూర్, సెప్టెంబర్ 17
మెగాస్టార్ చిరంజీవి నుంచి తాను ఓ విషయం నేర్చుకున్నానని అంటున్నారు ప్రముఖ కన్నడ నటుడు కిచ్చా సుదీప్. ప్రజా రాజ్యం పార్టీ పెట్టిన చిరు పొలిటికల్ కెరీర్‌ ఎలా బెడిసికొట్టిందో అందరికీ తెలిసిందే. అది చూసి తాను రాజకీయాల్లోకి ఎంట్రీ ఇవ్వకూడదని నిర్ణయించుకున్నానని అంటున్నారు సుదీప్. చిరంజీవి నటించిన ‘సైరా నరసింహారెడ్డి’ సినిమాలో సుదీప్ కీలక పాత్రను పోషించిన సంగతి తెలిసిందే. ఈ సందర్భంగా ఓ ఆంగ్ల మీడియాకు ఇచ్చిన ఇంటర్వ్యూలో చిరు గురించి సినిమా గురించి ఆసక్తికర సంగతులను వెల్లడించారు.‘నాకు స్టార్‌డంపై అంత నమ్మకం లేదు. స్టార్‌డం అనేది రిలేషన్‌షిప్ లాంటిది. ఈరోజు మనతో ఉంటుంది. రేపు మరొకరితో ఉంటుంది. కానీ ఏది జరిగినా మనం ఎదుర్కోవడానికి సిద్ధంగా ఉండాలి. ఒక్కసారి మన చేతి నుంచి జారిపోయిన స్టార్‌డంను తిరిగి పొందాలంటే కష్టపడాలి. ఇక చిరంజీవి సర్ గురించి మాట్లాడాలంటే.. ఆయన నుంచి నేను ఒక విషయం బాగా నేర్చుకున్నాను. రాజకీయాల్లోకి మాత్రం వెళ్లకూడదని. పదేళ్లుగా నేను సినిమా ఇండస్ట్రీలో ఉన్నాను. ఇప్పుడు దీనిని పక్కనబెట్టి నేను రాజకీయాల్లోకి వెళ్లలేను. నన్ను రాజకీయాల్లోకి ఆహ్వానించినవారు చాలా మంది ఉన్నారు. కానీ నేను వెళ్లలేదు. చెప్పాలంటే ఇప్పుడు మేం ఉన్న ఇండస్ట్రీలో కూడా రాజకీయాలు జరుగుతున్నాయి కదా. సినిమాకు మించిన రాజకీయాలు ఉండవు. రాజకీయాల్లోకి వెళితే ఉదయం లేవగానే ఇతను బీజేపీకి చెందిన వ్యక్తి, అతను కాంగ్రెస్‌కు చెందిన వ్యక్తి అంటూ తిట్టుకుంటూ ఉండాలి. అదే సినిమా పరిశ్రమలో అయితే ఎవరు ఎక్కడి నుంచి వచ్చారన్నది తెలీదు’ అని వెల్లడించారు.‘ఈగ’ సినిమాతో తెలుగు చిత్ర పరిశ్రమకు దగ్గరయ్యారు సుదీప్. ఈ సినిమాలో ఆయన నటనకు మంచి మార్కులు పడ్డాయి. ఇప్పుడు ‘సైరా’తో మెప్పించబోతున్నారు. సురేందర్ రెడ్డి దర్శకత్వం వహించిన ఈ సినిమా గాంధీ జయంతి సందర్భంగా అక్టోబర్ 2న ప్రేక్షకుల ముందుకు రానుంది. దీంతో పాటు సుదీప్.. ‘పెహెల్వాన్’ సినిమాతోనూ బిజీగా ఉన్నారు. ఈ సినిమాను తెలుగు, హిందీ, కన్నడ భాషల్లో విడుదల చేస్తున్నారు. మరోపక్క ఆయన బాలీవుడ్ సూపర్ స్టార్ సల్మాన్ ఖాన్ నటిస్తున్న ‘దబాంగ్ 3’ సినిమాలో విలన్ పాత్రను పోషిస్తున్నారు. ఇలా సుదీప్ అన్ని ఇండస్ట్రీల్లోనూ తనకంటూ గుర్తింపు తెచ్చుకోవడానికి ప్రయత్నిస్తున్నారు.

Related Posts