YUV News Logo
YuvNews
Open in the YuvNews app
OPEN

ఫ్లాష్ న్యూస్

వార్తలు నేరాలు ఆంధ్ర ప్రదేశ్

చిన్నారి హత్య కేసులో రఫికి ఉరిశిక్ష

చిన్నారి హత్య కేసులో రఫికి ఉరిశిక్ష

 చిన్నారి హత్య కేసులో రఫికి ఉరిశిక్ష
తిరుపతి, ఫిబ్రవరి 24 
తెలుగు రాష్ట్రాల్లో సంచలనం రేపిన చిన్నారి వర్షితపై అత్యాచారం, హత్యకేసులో చిత్తూరు కోర్టు సంచలన తీర్పును వెల్లడించింది. పాపపై అఘాయిత్యానికి పాల్పడిన కామాంధుడు మహ్మద్ రఫీకి ఉరిశిక్ష విధించింది. ఉరిశిక్ష తీర్పును హైకోర్టుకు పంపుతామన్న న్యాయమూర్తి.. ఉరిశిక్ష తేదీని హైకోర్టు నిర్ణయిస్తుందని తెలిపారు. చిత్తూరు జిల్లాలో పోక్సో యాక్ట్ కింద అమలైన తొలి ఉరిశిక్ష ఇది.గతేడాది నవంబర్‌లో చిత్తూరు జిల్లాలో చిన్నారిపై హత్యాచారం జరిగింది. బాలిక తల్లిదండ్రులతో కలిసి ఓ పెళ్లికి వెళ్లింది. కొద్దిసేపటి తర్వాత బాలిక కనిపించకపోవడంతో తల్లిదండ్రులు ఆందోళన పడుతూ చుట్టుపక్కల గాలించారు. ఫంక్షన్ హాల్ వెనుక చిన్నారి విగతజీవిగా కనిపించింది. పోస్టుమార్టం నివేదికలో బాలికపై అత్యాచారం చేసి చంపేసినట్లు తెలియడంతో షాకయ్యారు.సీసీ ఫుటేజ్ ఆధారంగా కేసు దర్యాప్తు ప్రారంభించిన పోలీసులు లారీ క్లీనర్‌గా పనిచేస్తున్న రఫీ ఈ దారుణానికి ఒడిగట్టినట్లు గుర్తించారు. అతడ్ని ఛత్తీస్‌గఢ్‌లో పోలీసులు అరెస్ట్ చేశారు. రఫీ చిన్నారిని ఫోటోలు తీస్తూ ట్రాప్ అఘాయిత్యానికి పాల్పడినట్లు తేలింది. పాపను హత్యచేసి దుస్తుల్ని అక్కడే వదిలేసి ఛత్తీస్‌గఢ్ పారిపోయాడు. తర్వాత పోలీసులు గుర్తుపట్టకుండా గుండు గీయించుకున్న రఫీ తప్పించుకొని తిరిగాడు. చివరికి పోలీసులకు అడ్డంగా దొరికిపోయాడు. అత్నడి అరెస్ట్ చేసిన పోలీసులు ఛార్జ్‌షీట్ ఫైల్ చేశారు.నిందితుడు రఫీ స్వస్థలం మదనపల్లె మండలం బసినికొండ కాగా.. గతంలో రఫీ ప్రవర్తన సరిగా లేదని భార్య అతడ్ని వదిలేసి వెళ్లిపోయింది. అప్పటి నుంచి రఫీ జులాయిగా తిరిగేవాడు. అంతేకాదు రఫీ గతంలోనూ చిన్నారులపై అత్యాచారాలకు పాల్పడినట్లు పోలీసులు తేల్చారు. ఓ కేసులో రెండు నెలలు జైల్లో కూడా ఉండి వచ్చాడు. తర్వాత కూడా పద్దతి మార్చుకోని రఫీ.. మళ్లీ చిన్నారిపై అఘాయిత్యానికి పాల్పడ్డాడు.. ఘోరంగా చంపేశాడు.

Related Posts