తీవ్రమౌతున్న బిషప్ ఆరాచకాలు
తిరువనంతపురం, ఫిబ్రవరి 24 
క్రైస్తవ సన్యాసిని (నన్‌)పై కేరళ బిషప్ ప్రాంకో ములక్కల్‌‌ చేసిన అకృత్యాలు విస్తుగొలుపుతున్నాయి. నన్‌పై పలుమార్లు లైంగిక దాడి పాల్పడిన ఆరోపణలతో బిషప్ ప్రాంకో ములక్కల్‌‌ గతేడాది అరెస్టు అయిన విషయం తెలిసిందే. ఈ క్రమంలో శుక్రవారం బిషప్‌ కేసు పిటిషన్‌ విచారణ నేపథ్యంలో కొన్ని ఆసక్తికర విషయాలు వెలుగులోకి వచ్చాయి. వాట్సప్‌లో కాల్‌లో అసభ్య పదజాలంతో తనపై లైంగిక వేధింపులకు పాల్పడ్డాడని బాధితురాలు వెల్లడించారు. అలాగే బలవంతంగా ముద్దులు పెట్టాడని కోర్టుకు తెలిపారు.ఈ వ్యవహారంపై బాధితురాలు మాట్లాడుతూ.. తాను బిషప్‌ను మొదటిసారి 2015 సంవత్సరంలో బిహార్‌లో కలిసినట్లు చెప్పారు. కాన్వెంట్‌కు సంబంధించిన విషయాలను గురించి తరచూ ఆయనతో వాట్సప్‌ వీడియో కాల్‌, ఫోన్‌ కాల్స్‌ మాట్లాడేదాన్నని పేర్కొన్నారు. వాట్సప్‌లో చాటింగ్‌ కూడా చేసేదాన్నని తెలిపారు. ఇలా 2015 నుంచి 2017 వరకు మాట్లాడానని, మొదట్లో బిషప్ బాగానే మాట్లాడేవాడని చెప్పింది. 2015 ఏడాది చివరిలో బిషప్ ప్రాంకో ములక్కల్‌‌ మాటల్లో క్రమంగా తేడాను గమనించినట్లు నన్ తెలిపారు. తాను నన్‌ అని కూడా చూడకుండా అసభ్య పదజాలంతో వేధించడం ప్రారంభించాడని చెప్పారు. ఈ క్రమంలో కొన్ని కారణాల వల్ల తాను కేరళకు వెళ్లాల్సివచ్చిందని పేర్కొన్నారు. ఈ క్రమంలో ఓ రోజు రాత్రి ఒంటి గంట సమయంలో బిషప్‌ ములక్కల్ తనను రూంకు పిలిచి బిహార్‌ నుంచి కేరళకు రావడానికి గల కారణాలపై ఆరా తీశాడని తెలిపారు. ఈ విషయాలు ఆయనకు వివరించినట్లు చెప్పారు.ఇలా రెండు గంటల పాటు మాట్లాడుకున్న తర్వాత తాను వెళ్లిపోతున్న క్రమంలో బిషప్ ములక్కల్ వెనుక నుంచి వచ్చి గట్టిగా కౌలిగించుకుని బలవంతంగా ముద్దులు పెట్టాడని నన్ ఆవేదన వ్యక్తం చేశారు. ఇక వాట్సప్‌ వీడియో కాల్స్‌లో తన శరీర భాగాలు, నా దేహంలోని భాగాల గురించి మాట్లాడాడని భాధితురాలు వాగ్మూలంలో పేర్కొన్నారు. బిషప్‌ ములక్కల్‌ డియోసెస్ అధికారి కావడంతో చర్చి నుంచి పంపించేస్తారన్న భయంతో ఆయనపై వెంటనే ఫిర్యాదు చేయలేకపోయానని తెలిపారు.ఈ విషయాన్ని బయటకు చెబితే ఏదైనా హాని తలపెడతాడమోనన్న భయంతో బిషప్ ఆరాచాకాలను మౌనంగా భరించాల్సి వచ్చేదని నన్‌ వాపోయారు. కాగా, బిషప్ ములక్కల్ తనపై పలుమార్లు అత్యాచారం చేశారని కొట్టాయం కాన్వెంటుకు చెందిన ఓ నన్ ఆరోపించడంతో రెండేళ్ల క్రితం కేసు నమోదైంది. ఆమె ఫిర్యాదు మేరకు బిషప్‌ను పోలీసులు అరెస్ట్ చేసి 2019లో చార్జిషీటు దాఖలు చేశారు. కాగా, మరో నన్‌ కూడా సదరు బిషప్‌ తనను లైంగిక వేధింపులకు గురి చేశాడని సంచలన ఆరోపణలు చేశారు. దీంతో ఆయన అకృత్యాలు ఒక్కొక్కటిగా బయటకు వస్తున్నాయి.