ట్రంప్ కు కేసీఆర్ గిఫ్ట్
హైద్రాబాద్,ఫిబ్రవరి 24
అమెరికా అధ్యక్షుడు డొనాల్ట్ ట్రంప్ భారత గడ్డపై అడుగు పెట్టారు. గుజరాత్‌లోని అహ్మదాబాద్‌లో కుటుంబంతో సహా అడుగు పెట్టారు. ఇక ఈ నెల 25న రాష్ట్రపతి భవన్‌లో ప్రత్యేకంగా విందు ఏర్పాటు చేశారు. ఈ విందుకు పలు రాష్ట్రాల ముఖ్యమంత్రులకు ఆహ్వానాలు అందాయి. ఈ జాబితాలో తెలంగాణ ముఖ్యమంత్రి కేసీఆర్‌కు కూడా ఉన్నారు. ఈ నెల 25న జరిగే విందులో కేసీఆర్ పాల్గొనున్నారు.విందు సందర్భంగా ట్రంప్‌ను కలవనున్న కేసీఆర్.. తెలంగాణ తరపున ప్రత్యేకంగా కొన్ని కానుకలు అందించేందుకు సిద్ధమైనట్లు తెలుస్తోంది. తెలంగాణ ప్రాముఖ్యతను చాటేలా ఈ స్పెషల్ గిఫ్ట్స్‌ తీసుకెతున్నారట. ఫిలిగ్రి ఛార్మినార్ ప్రతిమతో కూడిన జ్ఞాపిక, పోంచపల్లి శాలువాను అందజేయనున్నట్లు తెలుస్తోంది. అలాగే ట్రంప్ సతీమణి మెలానియా, కుమార్తె ఇవాంకా కోసం పోచంపల్లి, గద్వాల పట్టు చీరల్ని బహూకరించనున్నట్లు సమాచారం. ఈ నెల 25న కేసీఆర్ ఢిల్లీకి వెళుతున్నారు.. విందులో పాల్గొని ఈ నెల 26న తిరిగి హైదరాబాద్‌రానున్నారు. అంతేకాదు ట్రంప్‌కు ఇచ్చే విందులో తెలంగాణ వంటకాలు ఉన్నట్లు తెలుస్తోంది. నాటుకోడి పకోడిని స్పెషల్‌గా తయారు చేయిస్తున్నారట.