లక్నో, జూలై 6, 
అత్తతో అల్లుడు వివాహేతర సంబంధం పెట్టుకున్నాడు. మామకి తెలియకుండా రహస్యంగా రాసలీలలు సాగించారు. తీరా ఆయనకి విషయం తెలిసిపోవడంతో దారుణానికి..పడక సుఖం కోసం పాకులాడి దుర్మార్గులు దారుణాలకు తెగబడుతున్నారు. వావీవరసలు మరచి అక్రమ సంబంధాలు పెట్టుకుని మానవ సంబంధాలను మంటగలుపుతున్నారు. కామంతో కళ్లుమూసుకుపోయి కట్టుకున్న వాళ్లనే కడతేరుస్తున్నారు. అలాంటి దారుణ ఘటన ఒకటి తాజాగా వెలుగుచూసింది. అత్తతో శారీరక సంబంధం పెట్టుకున్న అల్లుడు.. అది మామకి తెలిసిపోయిందని ఘాతుకానికి తెగబడ్డాడు. మామతో సహా ఎనిమిదేళ్ల కూతురిని కూడా కిరాతకంగా చంపేశాడు. ఈ అమానుష ఘటన యూపీలో చోటుచేసుకుంది.ఘజియాబాద్‌ జిల్లా సాహిదాబాద్‌కి చెందిన అబ్దుల్లా(38), అతని కూతురు హఫ్జా(8) దారుణ హత్యకు గురయ్యారు. ఇద్దరూ కత్తిగాయాలతో రక్తపు మడుగులో పడి ఉన్నారు. అబ్దుల్లా ఇంటికి సమీపంలోనే నివాసం ఉంటున్న అతని సోదరుడు పర్వేజ్ ఇంటికి వచ్చి తలుపుతట్టాడు. ఎంతసేపటికీ తలుపు తీయకపోవడంతో పక్కింటి పైకి ఎక్కి ఇంట్లోకి చూడడంతో రక్తపు మడుగులో తండ్రీకూతుళ్లు విగతజీవులుగా కనిపించారు. వెంటనే పోలీసులకు సమాచారం అందించడంతో స్పాట్‌కి చేరుకున్నారు.మర్డర్ కేసు నమోదు చేసిన పోలీసులకు విచారణలో విస్తుపోయే నిజాలు తెలిశాయి. అబ్దుల్లా అల్లుడు సఫిర్.. అత్త రుక్సానాతో వివాహేతర సంబంధం పెట్టుకున్నాడు. మూడేళ్లుగా ఇద్దరూ రహస్యంగా రాసలీలలు సాగిస్తున్నారు. ఆ విషయం అబ్దుల్లాకి తెలిసి భార్యని కొట్టడంతో ఆమె పిల్లలతో కలసి పుట్టింటికి వెళ్లిపోయింది. కూతురు మాత్రం తండ్రి దగ్గరే ఉండిపోయింది. అత్తతో మామ గొడవపడిన విషయం తెలుసుకున్న అల్లుడు కోపంతో రగిలిపోయాడు.తమ రాసలీలలకి అడ్డుగా ఉన్నాడని భావించి మామని చంపేయాలని నిర్ణయించుకున్నాడు. రాత్రివేళ పైప్ పట్టుకుని ఇంటి పైకెక్కి లోపలికి ప్రవేశించాడు. నిద్రిస్తున్న అబ్దుల్లా గొంతు కోసేశాడు. అది చూసి పరిగెత్తబోయిన చిన్నారి హఫ్జాని కత్తితో పొడిచి కిరాతకంగా చంపేశాడు. అనంతరం తన ఇంటికెళ్లి ఏమీఎరగనట్టు పడుకున్నాడు. ఆ ఏరియాలో ఉన్న సీసీటీవీ ఫుటేజీలను పరిశీలించిన పోలీసులు సఫిర్‌ని అదుపులోకి తీసుకుని తమ స్టైల్లో విచారించడంతో అసలు నిజం కక్కేశాడు. అతనిని అరెస్టు చేసి జైలుకి పంపారు. అయితే ఈ నేరంతో అత్త రుక్సానాకి సంబంధం లేదని పోలీసులు చెబుతున్నారు.