YUV News Logo
YuvNews
Open in the YuvNews app
OPEN

ఫ్లాష్ న్యూస్

వార్తలు రాజకీయం ఆంధ్ర ప్రదేశ్

ఏబీకి హైకోర్టులో ఊరట

 ఏబీకి హైకోర్టులో ఊరట

విజయవాడ, మే 3, 
ఏపీ సీనియర్ ఐపీఎస్, ఇంటెలిజెన్స్ మాజీ‌ చీఫ్ ఏబీ‌ వెంకటేశ్వరరావుకు ఊరట లభించింది.ఏపీ హైకోర్టు ఆయనకు ముందస్తు బెయిల్‌ మంజూరు చేసింది. రక్షణ పరికరాల కొనుగోళ్ల వ్యవహారంలో ఏసీబీ కేసు నమోదు చేసింది.. తనను అరెస్టు చేయకుండా ముందస్తు బెయిల్ ఇవ్వాలని ఆయన హైకోర్టులో పిటిషన్ దాఖలు చేశారు. దీనిపై విచారణ జరిపిన న్యాయస్థానం వెంకటేశ్వరరావుకు ముందస్తు బెయిల్ ఇచ్చింది.1989 ఏపీ ఐపీఎస్ క్యాడర్‌కు చెందిన ఏబీ వెంకటేశ్వరరావు గతంలో ఇంటిలిజెన్స్ చీఫ్‌గా పనిచేశారు. 2019 ఎన్నికల సమయంలో చంద్రబాబుకు అనుకూలంగా పని చేస్తున్నారంటూ వెంకటేశ్వరరావుపై వైసీపీ ఫిర్యాదు చేసింది. దీంతో గత ఎన్నికలకు ముందు ఆయన్ను ఇంటెలిజన్స్ చీఫ్ పదవి నుంచి ఎన్నికల సంఘం తప్పించింది. ఈసీ నిర్ణయంపై అప్పట్లో చంద్రబాబు తీవ్ర విమర్శలు కూడా గుప్పించారు. ఈ నేపథ్యంలో వైఎస్ జగన్‌మోహన్‌రెడ్డి ముఖ్యమంత్రిగా బాధ్యతలు చేపట్టిన తర్వాత మొదట వెంకటేశ్వరరావును బదిలీ చేసిన ప్రభుత్వం.. పోస్టింగ్ ఇవ్వకుండా కొన్నాళ్లు వెయిటింగ్‌లో పెట్టింది.ఆ తర్వాత వెంకటేశ్వరరావును సస్పెండ్ చేస్తూ ప్రభుత్వం ఉత్తర్వులు జారీ చేసింది. విధి నిర్వహణలో అధికార దుర్వినియోగానికి పాల్పడినందుకు గానూ ఆయన్ను సస్పెండ్ చేస్తున్నట్లు ప్రకటించింది. ఇంటెలిజెన్స్ చీఫ్‌గా వెంకటేశ్వరరావు పని చేసిన సమయంలో నిబంధనలకు విరుద్ధంగా ఇజ్రాయెల్ సంస్థ నుంచి నిఘా పరికరాల కొనుగోలు చేసినట్లు పేర్కొంది. ఇజ్రాయెల్ సంస్థ ఆర్టీ ఇన్ ఫ్లేటబుల్స్‌తో కుమ్మక్కై ఆయన కొడుకు చేతన్ సాయికృష్ణకు చెందిన ఆకాశం అడ్వాన్స్‌డ్ సిస్టమ్స్ సంస్థకు కాంట్రాక్టు ఇప్పించుకున్నారని జీవోలో పేర్కొంది. విదేశీ సంస్థతో నిఘా సమాచారం పంచుకోవడం ద్వారా జాతీయ భద్రతకు ముప్పు కలిగించారని తెలిపింది. నాణ్యత లేని నిఘా పరికరాల కొనుగోలు ద్వారా రాష్ట్ర భద్రతకు ముప్పు కలిగించారని పేర్కొంది. కావాలనే టెండర్ల సాంకేతిక కమిటీలో నిపుణులకు స్థానం కల్పించలేదని వివరించింది. సస్పెన్షన్‌లో ఉన్న సీనియర్ ఐపీఎస్, మాజీ ఇంటిలిజెన్స్ చీఫ్ ఏబీ వెంకటేశ్వరరావుపై రాష్ట్రప్రభుత్వం వేసిన ఎంక్వైరీ కమిషన్‌ విచారణ ముగిసింది. విచారణ కమిషనర్‌ సిసోడియా ముందు ఆయన తన వాదనను రాతపూర్వకంగా సమర్పించారు.

Related Posts