న్యూయార్క్, జూన్ 6, 
రిపబ్లికన్ టాక్స్ బిల్లుపై అమెరికా అధ్యక్షుడు డొనాల్డ్ ట్రంప్, టెస్లా అధినేత ఎలాన్ మస్క్ ఒకరిపై ఒకరు  విమర్శలు చేసుకుంటున్నారు. వారి స్నేహంలో చీలికలు వస్తున్నట్లు కనిపిస్తున్నాయి. టాక్స్ బిల్లుపై డొనాల్డ్ ట్రంప్ అసంతృప్తి వ్యక్తం చేయగా, ఎలాన్ మస్క్ స్పందిస్తూ, తాను లేకపోతే డొనాల్డ్ ట్రంప్ ఎన్నికల్లో గెలిచేవారు కాదని అన్నారు.ఎలాన్ మస్క్ ఎక్స్ లో ఇలా రాసుకొచ్చారు, "నేను లేకుండా ట్రంప్ ఎన్నికల్లో ఓడిపోయేవారు, డెమోక్రటిక్ పార్టీ హౌస్‌ను నియంత్రించేవాళ్లు. రిపబ్లికన్లు సెనేట్‌లో 51-49గా ఉండేవారు." దీనికి ముందు, డొనాల్డ్ ట్రంప్ మాట్లాడుతూ, రిపబ్లికన్ టాక్స్ బిల్లును ఎలాన్ మస్క్‌  వ్యతిరేకించినందుకు తాను చాలా నిరాశకు గురయ్యానని అన్నారు. ట్రంప్ మాట్లాడుతూ ఎలాన్ మస్క్‌కు వైట్ హౌస్ గుర్తుకు వస్తుందని, అతను ట్రంప్ డిరేంజ్‌మెంట్ సిండ్రోమ్‌తో బాధపడుతున్నాడని అన్నారు. న్యూస్ ఏజెన్సీ అసోసియేటెడ్ ప్రెస్ ప్రకారం, డొనాల్డ్ ట్రంప్ మాట్లాడుతూ, “నేను ఎలాన్‌ వైఖరి పట్ల  చాలా నిరాశకు గురయ్యాను. నేను ఎలాన్‌కు చాలా సహాయం చేశాను.” అని అన్నారు. అధ్యక్షుడు అత్యంత సన్నిహితమైన  ఎలాన్ మస్క్‌ను విమర్శించారు, కొన్ని రోజుల క్రితం టెస్లా సీఈఓ అమెరికా అధ్యక్షుడి వ్యయ బిల్లును వ్యతిరేకించి, దానిని అసహ్యకరమైనదిగా అభివర్ణించారు.సోషల్ మీడియా ప్లాట్‌ఫారమ్ ఎక్స్‌లో ఇలా రాశారు, “క్షమించండి, కానీ నేను దీన్ని భరించలేను. ఈ  అగౌరవకరమైన కాంగ్రెస్ వ్యయ బిల్లు చాలా అవమానకరమైంది. దీనికి ఓటు వేసిన వారికి సిగ్గుండాలి: మీరు తప్పు చేశారని మీకు తెలుసు. మీకు తెలుసు.”బిల్లును విమర్శిస్తూ, ప్రజలను తమ ప్రతినిధులను సంప్రదించి ఈ చట్టాన్ని రద్దు  చేసేలా డిమాండ్ చేయాలని ఎలాన్ మస్క్ కోరారు.   దీనిపై  సోషల్ మీడియా వేదికగా పోస్టు పెడుతూ, "ఈ వ్యయ బిల్లు అమెరికా చరిత్రలో రుణ పరిమితి పెంచేదిగా ఉంటుందని! ఇది రుణ బానిసత్వ బిల్లు."మస్క్ ఈ విమర్శలు చేసిన సమయంలో సెనేట్‌లో బిల్లుపై ట్రంప్   తన అభిప్రాయాన్ని చెబుతున్నారు. బిల్లుకు సంబంధించి మస్క్ చేసిన బహిరంగ విమర్శలపై వైట్ హౌస్ స్పందిస్తూ, అధ్యక్షుడు తన అభిప్రాయాన్ని మార్చుకోరని తెలిపింది.వైట్ హౌస్ ప్రెస్ సెక్రటరీ కరోలిన్ లెవిట్ మాట్లాడుతూ, "ఎలాన్ మస్క్ ఈ బిల్లుపై ఎలాంటి వైఖరి కలిగి ఉన్నారో అధ్యక్షుడికి ఇప్పటికే తెలుసు. ఇది అధ్యక్షుడి అభిప్రాయాన్ని మార్చదు. ఇది గొప్ప అద్భుతమైన బిల్లు, ఆయన దానికి కట్టుబడి ఉన్నారు" ఎక్స్ వేదికగా దీనిపై పెద్ద సుదీర్ఘమైన డిబేట్ రన్ చేస్తున్నారు ఎలాన్ మస్క్. పనిలో పనిగా అమెరికాలో మరో రాజకీయ పార్టీ రావాల్సిన అవసరం ఉందని అది న్యూ బ్లడ్‌తో నిండి ఉండాలని అభిప్రాయపడ్డారు. ఈ మేరకు పార్టీ పెట్టే అంశంపై స్పందన కోరేందుకు ఓ పోల్‌ను కూడా రన్ చేస్తున్నారు.