జనసేన అధినేత పవన్ కళ్యాణ్ మాజీ భార్య రేణూదేశాయ్‌ను వేధిస్తున్న ఆయన అభిమానులపై శ్రీరెడ్డి విరుచుకుపడింది. నిశ్చితార్ధంతో కొత్త జీవితానికి శ్రీకారం చుడుతున్నట్లు రేణూ దేశాయ్‌ ఇటీవల ప్రకటించింది. అయితే పవన్ అభిమానులు కొందరు ఆమెను వేధిస్తూ ట్రోలింగ్‌ చేశారు. దీంతో దాంతో వాళ్ల వ్యాఖ్యలు తట్టుకోలేక తన ట్విట్టర్ అకౌంట్‌ని రద్దు చేసుకుంది రేణు దేశాయ్. పవన్ అభిమానుల గోల మరీ ఎక్కువ కావడంతో శ్రీ రెడ్డి ఆమెకు మద్దతుగా నిలిచింది. రేణూ చాలా చిన్న వయసులో విడాకులు తీసుకున్నారు.. దానికి కారణాలేమైనా.. దానిపై మనం మాట్లాడాల్సిన అవసరం లేదు.. ఆమె వ్యక్తిగత జీవితం గురించి మాట్లాడే హక్కు మన కు లేదు అన్నారు. కొందరు ట్విట్టర్‌లో కనీసం తమ పేరు, ఫోటో లేకుండా నకిలీ అకౌంట్లతో ఆమెను వేధిస్తున్నారని మండిపడ్డారు. పూణేలో ఒంటరిగా ఉంటూ పిల్లలను చూసుకుంటున్న రేణు దేశాయ్ ని అదేపనిగా ఎందుకు విమర్శిస్తున్నారు ,ఆమె ఎలాంటి ఇబ్బందులను ఎదుర్కొంటుందో మీకెవరికైనా తెలుసా? అలాంటప్పుడు ఆమెని ఎందుకు వేధిస్తున్నారు . రేణు దేశాయ్ కష్టాల్లో ఉన్నప్పుడు ఆమెని ఎవరైనా ఆదుకున్నారా ? మద్దతుగా నిలిచారా ? కష్టాల్లో ఆదుకోనప్పుడు విమర్శించే అధికారం మీకెక్కడిది ? పవన్ కళ్యాణ్ ని అభిమానిస్తే మంచిదే కానీ రేణు దేశాయ్ వ్యక్తిగత జీవితంలోకి తొంగి చూస్తూ ఆమెని తీవ్ర స్థాయిలో విమర్శించే అధికారం మాత్రం మీకు లేదు అంటూ పవన్ కళ్యాణ్ ఫ్యాన్స్‌పై శ్రీ రెడ్డి విరుచుకుపడింది.