ఆంధ్రప్రదేశ్ ప్రధాన ప్రతిపక్షనేత, వైఎస్ఆర్ కాంగ్రెస్ పార్టీ అధినేత వైఎస్ జగన్  చేస్తున్న ప్రజాసంకల్పయాత్ర నేడు 3 వేల కిలోమీటర్ల మైలురాయిని తాకనుంది. నిన్నటివరకూ విశాఖపట్నం జిల్లాలో సాగిన యాత్ర, నేడు విజయనగరం జిల్లాలోకి ప్రవేశించింది. ఈ రోజు ఉదయం జగన్, ఎస్ కోట నియోజకవర్గం కొత్తవలస మండలం చింతల పాలెంలో నడుస్తున్న వేళ, రహదారులు జనసంద్రంగా మారిపోయాయి.  ఈ మధ్యాహ్నం పాదయాత్ర 3 వేల కిలోమీటర్ల మైలురాయిని తాకనుండగా, కొత్తవలస మండలం దేశపాత్రునిపాలెంలో ఇందుకు గుర్తుగా ప్రత్యేకంగా నిర్మించిన పైలాన్ ను జగన్ ఆవిష్కరించనున్నారు.