చిన్న సినిమాల అనంతరం.. ఇప్పుడు బాక్సాఫీస్ వద్దకు పెద్ద సినిమాలు వస్తున్నాయి. భారీ అంచనాల సినిమాలు వస్తున్నాయి. ఒక్క అక్టోబర్ నెలలో మాత్రమే.. టాలీవుడ్‌ బాక్సాఫీస్ టార్గెట్ రెండు వందల కోట్ల రూపాయలు ఉందంటే అర్థం చేసుకోవచ్చు. ఈ నెలలో రాబోతున్న సినిమాలు ఆ మేరకు వసూళ్లను రాబట్టాల్సి ఉంది. కొన్ని నెలలుగా బాక్సాఫీస్ వద్ద చిన్న, మీడియం రేంజ్ సినిమాల హడావుడే కనిపించింది. చిన్న బడ్జెట్ సినిమాలు డజన్ల కొద్దీ విడుదల అయ్యాయి. ఇక మీడియం రేంజ్ బడ్జెట్ సినిమాలు కూడా వచ్చాయి. చిన్నసినిమాల్లో ఒకటీ రెండు సంచలన విజయం సాధించగా, మిడ్ రేంజ్ సినిమాల్లో కొన్ని ఫర్వాలేదనిపించుకున్నాయి. చెప్పుకోదగిన విజయాన్ని నమోదు చేసిన సినిమాలు మాత్రం తక్కువే. ఒక్క ‘గీతగోవిందం’ మాత్రమే సంచలన విజయాన్ని సాధించింది. అలా చిన్న సినిమాల అనంతరం.. ఇప్పుడు బాక్సాఫీస్ వద్దకు పెద్ద సినిమాలు వస్తున్నాయి. భారీ అంచనాల సినిమాలు వస్తున్నాయి. ఒక్క అక్టోబర్ నెలలో మాత్రమే.. టాలీవుడ్‌ బాక్సాఫీస్ టార్గెట్ రెండు వందల కోట్ల రూపాయలు ఉందంటే అర్థం చేసుకోవచ్చు. ఈ నెలలో రాబోతున్న సినిమాలు ఆ మేరకు వసూళ్లను రాబట్టాల్సి ఉంది. ముందుగా బరిలోకి దిగబోతోంది ‘నోటా’. ‘గీతగోవిందం’ సంచలన విజయం అనంతరం విజయ్ దేవరకొండ సినిమా కావడంతో దీనిపై భారీ అంచనాలున్నాయి. ఇది మీడియం రేంజ్ బడ్జెట్ సినిమానే అయినా.. భారీ ఓపెనింగ్స్ ఖాయం. పాజిటివ్ టాక్ పొందితే మాత్రం.. ఈ సీరియస్ సినిమా సంచలన స్థాయి వసూళ్లను రాబట్టే అవకాశాలున్నాయి. ఇక ‘నోటా’ తర్వాతి వారంలో విడుదల కాబోతోంది ‘అరవింద సమేత వీర రాఘవ’. ఈ సినిమాపై వంద కోట్ల రూపాయల వ్యాపారం నడుస్తోంది. ఈ సినిమా వంద కోట్ల రూపాయల వసూళ్లను సాధిస్తుందనే అంచనాలున్నాయి. అటు ఎన్టీఆర్‌కు, ఇటు త్రివిక్రమ్‌కు ఇది ప్రతిష్టాత్మక సినిమా, కీలకమైన సినిమా. వీళ్ల కాంబో వంద కోట్ల రూపాయల వసూళ్లను సాధించడం సాధ్యమే. అయితే ఈ సినిమా పొందే టాక్ వసూళ్లను నిర్దేశిస్తుంది.ఇవేగాక అక్టోబర్ లో మరిన్ని క్రేజీ సినిమాలు రాబోతున్నాయి. ‘హలో గురూ ప్రేమ కోసమే’ వాటిల్లో ఒకటి. రామ్ హీరోగా దిల్ రాజు నిర్మించిన ఈ సినిమా దర్శకుడు త్రినాథరావు నక్కిన వరస విజయాల నేఫథ్యంలో ఆసక్తిని రేపుతోంది. వీటితో పాటు రవిబాబు ‘అదుగో’, నారా రోహిత్- సుధీర్ బాబు ‘వీరభోగవసంతరాయలు’ సినిమాలు కూడా అక్టోబర్ లోనే విడుదల కాబోతున్నాయి. ఆసక్తిని రేపుతున్నాయి.