సివిల్స్ సర్వీసెస్ మెయిన్స్ 2018 ఫలితాలు విడుదలయ్యాయి. గురువారం యూనియన్ పబ్లిక్ సర్వీస్ కమిషన్ (యూపిఎస్సి) ఫలితాలను విడుదల చేసింది. కమిషన్ అధికారిక వెబ్సైట్లో ఫలితాలను అందుబాటులో ఉంచింది. అభ్యర్థులు ఈ ఫలితాలను సంబంధిత వెబ్సైట్ల ద్వారా ఫలితాలను తెలుసుకోవచ్చు. మొత్తం 1994 మంది అభ్యర్థులు ఇంటర్వ్యూలకు ఎంపికయ్యారు. ఎంపికైన అభ్యర్థులకు ఫిబ్రవరి 4వ తేదీ నుంచి ఇంటర్వ్యూ నిర్వహిస్తామని కమిషన్ ఓ ప్రకటనలో తెలిపింది. ఇందుకు సంబంధించి జనవరి 9 నుంచి ఇంటర్వ్యూ షెడ్యూల్ వివరాలను అధికారిక వెబ్సైట్లో అందుబాటులో ఉంచనున్నారు. ఈ ఏడాది జూన్ 3వ తేదీన సివిల్స్ ప్రిలిమినరీ పరీక్ష నిర్వహించగా, సెప్టెంబర్ 28వ తేదీ నుంచి అక్టోబర్ 7వ తేదీ వరకు మెయిన్స్ పరీక్ష నిర్వహించారు.