సరైన సింహం తగలనంతవరకూ ప్రతి వేటగాడూ మగాడేరా’.. అంటూ ఊర మాస్ అవతారంలో మెగా పవర్ స్టార్ రామ్ చరణ్ ‘వినయ విధేయ రాముడిగా’ గర్జిస్తే యూట్యూబ్ షేక్ అవుతుంది. పాత రికార్డులు గల్లంతై కొత్త రికార్డులు నమోదవుతున్నాయి. మెగా పవర్ స్టార్ రామ్ చరణ్, బోయపాటి కాంబినేషన్‌లో తెరకెక్కిన మాస్ మాసాలా ఫ్యామిలీ యాక్షన్ ఎంటర్‌టైనర్ మూవీ ‘వినయ విధేయ రామ’ మూవీ ట్రైలర్‌‌ ఇటీవల విడుదలైన వ్యూస్ సునామీ సృష్టిస్తోంది. విడుదలైన 24 గంటల్లో 7.7 మిలియన్ల వ్యూస్‌ని క్రాస్ చేసినట్టు చిత్ర నిర్మాణ సంస్థ డీడీవీ ఎంటర్టైన్మెంట్ అఫీషియల్‌గా ప్రకటించింది. ఇక యూట్యూబ్‌లో ఇప్పటివరకూ 93 లక్షల మందికిపైగా ఈ ట్రైలర్‌ను వీక్షించారు. దీంతో టాప్ ట్రెండింగ్‌లో నంబర్‌ వన్‌ స్థానంలో కొనసాగుతున్నాడు వినయ విధేయ రాముడు. ఇదిలా ఉంటే.. నాన్ బాహుబలి కేటగిరిలో పవన్ కళ్యాణ్ ‘అజ్ఞాతవాసి’ ట్రైలర్ ఒక్కరోజులో 5.97 మిలియన్ వ్యూస్‌ని అందుకోగా.. దాన్ని ఎన్టీఆర్ ‘అరవింద సమేత’తో బీట్ చేశారు. ఒక్క రోజులో ఈ ట్రైలర్ 6.98 వ్యూస్ రాబట్టింది. ఇప్పటి వరకూ అదే రికార్డ్ కాగా.. వీటన్నింటినీ ‘వినయ విధేయ రామ’ బీట్ చేయడం విశేషం. అయితే ప్రభాస్ ‘బాహుబలి 2’ వీరెవరికీ అందనంత ఎత్తులో ఉంది. ఆ చిత్ర ట్రైలర్ ఒక్కరోజులో 21.8 మిలియన్ వ్యూస్‌తో జెండా పాతేసింది