యువ్ న్యూస్ ఫిల్మ్ బ్యూరో:

తమిళ నటుడు విశాల్‌కు గాయాలయ్యాయి. ప్రస్తుతం ఆయన సీ. సుందర్‌ దర్శకత్వంలో ఓ సినిమాలో నటిస్తున్నారు. చిత్రీకరణ టర్కీలో జరుగుతోంది. అక్కడి రోడ్లపై భారీ యాక్షన్‌ సన్నివేశాలు చిత్రీకరిస్తుండగా విశాల్‌ బైక్‌ అదుపుతప్పి పడిపోయారు. దాంతో ఆయన ఎడమ చేతికి, ఎడమ కాలికి గాయమైంది. వెంటనే దగ్గర్లోని ఆస్పత్రికి చికిత్స నిమిత్తం తరలించారు. చేతికి, కాలికి కట్టుకట్టి ఉన్న విశాల్‌ ఫొటోను చిత్రవర్గాలు సోషల్‌మీడియాలో పోస్ట్‌ చేశాయి. త్వరగా కోలుకోవాలంటూ ఆయన అభిమానులు విశాల్‌కు ట్విటర్‌లో ట్యాగ్‌ చేస్తూ కామెంట్లు పెడుతున్నారు. వైద్యులు రెండు వారాల పాటు విరామం తీసుకోవాలని సూచించారట.