ప్రముఖ నటి, ‘2.0’ సినిమా హీరోయిన్ అమీ జాక్సన్ పెళ్లి కాకుండానే తల్లి కాబోతోంది. ఈ విషయాన్ని ఆమే స్వయంగా సోషల్ మీడియా ద్వారా ప్రకటించింది. అమీ జాక్సన్ కొంతకాలంగా బ్రిటన్‌కుచెందిన ప్రముఖ వ్యాపారవేత్త జార్జ్‌ పనాయొటోతో డేటింగ్‌లో ఉన్నారు. న్యూ ఇయర్ సందర్భంగా వీరిద్దరికీ జాంబియాలో నిశ్చితార్థం అయింది. అయితే పెళ్లి మాత్రం ఇంకా చేసుకోలేదు. కానీ తాను తల్లి కాబోతున్నానంటూ, ఈ విషయాన్ని అభిమానులతో పంచుకోవడానికి మాతృదినోత్సవానికి మించిన సరైన రోజు మరొకటి లేదని వెల్లడించింది.