సంచలనాలకు కేరాఫ్ అడ్రస్‌గా మారి తెలుగు, తమిళ ఇండస్ట్రీలలో హాట్ టాపిక్‌గా మారిన శ్రీరెడ్డి మరో వివాదాస్పద పోస్ట్ షేర్ చేసింది. తొలి నుండి టాలీవుడ్ క్యాస్టింగ్ కౌచ్‌‌పై తన వాదనలో నిజం ఉన్నా.. దాన్ని వ్యక్తపరిచే విధానంలో సరైన మార్గాన్ని ఎంచుకోలేక విమర్శల పాలైన శ్రీరెడ్డి మరోసారి నెటిజన్లకు షాకిచ్చే ఫొటోని షేర్ చూస్తూ.. దానికి పెయిన్ ఫుల్ మెసేజ్‌ను జోడించింది. అవకాశాల పేరుతో సినిమా ఇండస్ట్రీకి వస్తున్న అమ్మాయిలను సెక్స్ బానిసలుగా చేయడాన్ని నిరసిస్తూ.. ‘మేము సెక్స్‌ బానిసలం కాదు.. ఇండస్ట్రీలో పనిచేయడానికి మాత్రమే వచ్చాం. అవకాశాల కోసం సెక్స్ ఎందుకు చేయాలి. దీన్ని ఆపండి’ అంటూ పూర్తి నగ్నంగా ఉన్న ఫొటోకు ఈ కొటేషన్స్ జతచేసింది. కాగా.. ‘ఎందుకు శ్రీరెడ్డి ఇలాంటి ఫొటోలు పెడుతున్నావు... నువ్వూ ఓ ఆడ పిల్లవే కదా’ అని నెటిజన్లు ఈ ఫొటోపై స్పందిస్తుంటే.. మీకు ఇష్టం ఉన్నా లేకున్నా నా అభిప్రాయాన్ని నేను చెబుతా. ఇలాంటి కామెంట్స్‌ని నేను లెక్క చేయను. చాలా మంది నటీమణుల బాధతో పోలిస్తే.. మీ కామెంట్స్ లెక్క కాదు. ఇలాంటి హేయమైన చర్యలపై స్పందించండి.. ఫొటోలపైకాదు. సినిమాల్లో హీరోలతో సమానంగా హీరోయిన్స్ రెమ్యూనరేషన్ తీసుకుంటున్నారని నన్ను విమర్శించే వాళ్లు భావిస్తున్నారా? చిరంజీవి, రజినీకాంత్ గ్రాండ్ సన్స్ హీరోలుగా వస్తున్నారు.. కాని అలాంటి ఫ్యామిలీస్ నుండి ఎంత మంది హీరోయిన్స్ వచ్చారు. వచ్చినా నిలదొక్కుకునే పరిస్థితి ఉందా? అంటూ నెటిజన్ల స్పందనలపై ఘాటుగా రియాక్ట్ అయ్యింది శ్రీరెడ్డి.