YUV News Logo
YuvNews
Open in the YuvNews app
OPEN

ఫ్లాష్ న్యూస్

వార్తలు ఆంధ్ర ప్రదేశ్

విశాఖలో సింపుల్‌ పెళ్లిళ్లు.. ఏడుగురే అతిథులు

విశాఖలో సింపుల్‌ పెళ్లిళ్లు.. ఏడుగురే అతిథులు

విశాఖలో సింపుల్‌ పెళ్లిళ్లు.. ఏడుగురే అతిథులు
విశాఖపట్టణం,ఏప్రిల్ 10
ఓవైపు కరోనా టెన్షన్.. మరోవైపు లాక్‌డౌన్ ఎఫెక్ట్ పెళ్లిళ్లపై పడింది. పాపం గ్రాండ్‌గా వివాహ వేడుక నిర్వహిద్దామని ఏర్పాట్లన్నీ చేసుకుంటే.. సీన్ మొత్తం రివర్స్ అయ్యింది. మార్చి, ఏప్రిల్‌లో చాలా ముహూర్తాలు నిలిచిపోయాయి.. పెళ్లిళ్లు ఆగిపోయాయి. వైరస్‌ వ్యాప్తిని కట్టడి చేసేందుకు జనం ఒకే చోట గుంపులు, గుంపులుగా లేకుండా ప్రభుత్వాలు ఆంక్షలు విధించింది. ఈ పరిస్థితుల్లో పెళ్లిళ్లు కష్టమైపోతున్నాయి.కొంతమంది మాత్రం తప్పనిసరి పరిస్థితుల్లో చాలా సింపుల్‌గా పెళ్లి తంతు ముగిస్తున్నారు. విశాఖలోనూ ఇదే తరహాలో వివాహ వేడుక నిర్వహించారు. పోలీసుల అనుమతితో అది కూడా కేవలం ఏడుగురు అతిథుల సమక్షంలో.. గవరపాలెంలో రెండు పెళ్లిళ్లు జరిగాయ. కేవలం పెళ్లి కొడుకు, పెళ్లి కూతురు, వారి తల్లిదండ్రులు, పెళ్లి చేసే పురోహితుడు మాత్రమే ఉన్నారు. విశాఖ మాత్రమే కాదు తెలుగు రాష్ట్రాల్లో పెళ్లి వేడుకను ఇలాగే ముగిస్తున్నారు.ఈ ఏడాది మొత్తం మీద ఈ మూడు నెలల్లో 50 వేల నుంచి 60 వేల వరకు పెళ్లిళ్లు జరగాల్సి ఉండగా ఆగిపోయాయి. ఈ రెండు, మూడు నెలల ముందే ముహూర్తాలు నిశ్చయించుకున్నారు. కొందరు శుభలేఖలు పంపిణీ చేశారు.. ఏర్పాట్లు చేసుకున్నారు.. ఇంతలో కరోనా రూపంలో బ్రేకులు పడ్డాయి. ముందుగానే బుక్‌ చేసుకున్న ఫంక్షన్‌ హాళ్లు, కల్యాణ మండపాలు, హోటళ్లలో వేదికలను కూడా రద్దు చేసుకుంటున్నారు. ఇక పెళ్లికి సంబంధించి పురోహితులు, కేటరింగ్, డెకరేషన్, లైటింగ్, బ్యాండ్‌ మేళం, ఈవెంట్ నిర్వాహకులకు కష్టాలు తప్పడం లేదు. ఏవరైనా గుంపులు, గుంపులుగా పెళ్లిళ్లు చేస్తుంటే అధికారులు నిలిపివేస్తున్నారు
 

Related Posts