రోజా కమెడియన్ 
హైదరాబాద్, మార్చి 16,
జబర్దస్త్‌ అంటేనే అదో నవ్వుల హరివిల్లు. ఎందరో కమెడియన్స్ ఈ వేదికపై తమదైన స్టైల్ పంచులతో హాస్యం పండిస్తుంటారు. పొట్టచెక్కలయ్యే నవ్వులే టార్గెట్‌గా గత ఏడెనిమిదేళ్లుగా ఈ షో సత్తా చాటుతూనే ఉంది. షో సక్సెస్ కావడంలో కమెడియన్స్ స్కిట్స్ ఒకెత్తయితే అనసూయ, రష్మీ అందాల యాంకరింగ్ మరో ఎత్తు. ఇక జడ్జెస్ గురించి ప్రత్యేకంగా చెప్పాల్సిన పనే లేదు. షో మొదలైనప్పటి నుంచి నవ్వుల రారాజు నాగబాబు,రోజా కొన్నేళ్ల పాటు జడ్జ్‌లుగా కొనసాగారు. అయితే ఇటీవలే ఈ సీటు నుంచి తప్పుకున్న నాగబాబు ఆ తర్వాత 'అదిరింది' లాంటి కామెడీ షోస్ చేసి చివరకు వాటికీ ఫుల్‌స్టాప్ పెట్టేశారు.ఆ వెంటనే తనకంటూ ఉన్న స్పెషల్ ఇమేజ్‌ని దృష్టిలో పెట్టుకొని సొంతంగా యూట్యూబ్ ఛానెల్స్ ద్వారా ఎర్నింగ్స్ స్టార్ చేశారు మెగా బ్రదర్. సామాజిక మాధ్యమాల్లో చురుకుగా ఉంటూ ఎప్పటికప్పుడు సమాజంలో జరుగుతున్న విషయాలపై స్పందిస్తూనే 'ఖుషీ ఖుషీగా' పేరుతో తన యూట్యూబ్ ఛానెల్ ద్వారా స్టాండప్ కామెడీని తెలుగు ప్రేక్షకులకు పరిచయం చేస్తున్నారు. ఈ నేపథ్యంలో ఆయన జబర్దస్త్ జడ్జ్ రోజాపై చేసిన కామెంట్స్ నెట్టింట హాట్ టాపిక్ అయ్యాయి.బాక్సాఫీస్ దుమ్ముదులుపుతున్న జాతిరత్నాలు.. గల్లీ పోరగాళ్ల రికార్డుల సునామీ.. ఇదీ 5 డేస్ రిపోర్ట్బుల్లితెరపై జబర్దస్త్ కామెడీ షోతో ప్రయాణం ప్రారంభించిన రోజా, నాగబాబు దాదాపు ఏడేళ్లపాటు అలుపెరగని ప్రయాణం కొనసాగించారు. వారం వారం తమ లోని జోష్ రెట్టింపు చేసుకుంటూ ప్రేక్షకులకు వినోదం పంచారు. జబర్దస్త్ కమెడియన్స్ వేసే పంచ్ డైలాగులకు రోజా, నాగబాబు నవ్వులు ప్రాణం పోసేవి అని చెప్పడంలో అతిశయోక్తిలేదు. అయితే ఇప్పుడు మాత్రం జబర్దస్త్ జడ్జ్ సీటును వదిలి తిరిగి రోజానే కమెడియన్ అనేసి షాకిచ్చారు నాగబాబు.తన సోషల్ మీడియా అకౌంట్ ఇన్స్‌స్టా ద్వారా అభిమానులతో చిట్ చాట్ చేసిన మెగా బ్రదర్.. నెటిజన్లు అడిగిన పలు ప్రశ్నలపై స్పందిస్తూ ఓపెన్ అయ్యారు. ఈ క్రమంలో.. ''సార్ జబర్దస్త్‌లో మీ ఫేవరెట్ కమెడియన్ ఎవరు?'' అని ఓ నెటిజన్ ప్రశ్నించడంతో ఇంకెవరు జబర్దస్త్ జడ్జ్ సీటుపై కూర్చున్న 'రోజా' అంటూ ఆమె ఫొటో కూడా పోస్ట్ చేసి షాకింగ్ సమాధానం ఇచ్చారు నాగబాబు. ఇంకేముంది సెటైరికల్‌గా మెగా బ్రదర్ చేసిన ఈ కామెంట్ జనాల్లో చర్చనీయాంశంగా మారింది.నాగబాబు చేసిన ఈ కామెంట్ చూసి నెటిజన్స్ రివర్స్‌లో ఆయనపైనే కౌంటర్స్ వేస్తున్నారు. అంతాబాగానే ఉంది కానీ నాగబాబు చిన్న లాజిక్ మిస్ అయ్యాడంటూ ఆలోచింపజేసే కామెంట్స్ చేస్తున్నారు. 'జడ్జ్ సీటులో కూర్చున్న రోజా కమెడియన్ అయితే ఈయన కూడా జోకర్ అన్నట్లే కదా.. అదే లెక్క మరి' అంటూ లాజిక్స్ మాట్లాడుతున్నారు. అంటే ఏదో రోజాపై సెటైర్ వద్దామనుకుంటే అదికాస్తా ఆయనపై తగిలి అడ్డంగా ఇరుక్కున్నారనేది నెటిజన్ల మాట.