హైదరాబాద్, మార్చి 27, 
వైసీపీ రాజ్యసభ సభ్యుడు విజయసాయిరెడ్డి మనవరాలు(ఆయన కూతురు బిడ్డ, అరబిందో ఫార్మా అధినేత కుమారుడి కూతురు) పుట్టిన రోజు వేడుక శుక్రవారం సాయంత్రం హైదరాబాద్‌లోని ఫలక్‌నుమా ప్యాలెస్‌లో ఘనంగా జరిగింది. ఈ కార్యక్రమానికి సుమారు 1500 మంది వివిధ రంగాలకు చెందిన ప్రముఖులు హాజరైనట్లు సమాచారం. రాష్ట్రంలో సెకండ్‌ వేవ్‌ ప్రకంపనలు ఆందోళన కలిగిస్తున్న వేళ ఫలక్‌నుమా తాజ్‌ ప్యాలెస్‌లో జరిగిన ఈ భారీ కార్యక్రమం తీవ్ర చర్చనీయాంశమైంది.కరోనా కట్టడికి ముందస్తు చర్యలు తీసుకోవాలని, ఎట్టి పరిస్థితుల్లోనూ నిర్లక్ష్యం వహించొద్దని తెలంగాణ ముఖ్యమంత్రి కేసీఆర్‌ ప్రకటించిన గంటల వ్యవధిలోనే కోవిడ్‌ నిబంధనలు ఉల్లంఘిస్తూ నిర్వహిస్తూ ఈ బర్త్‌డే పార్టీ నిర్వహించడం గమనార్హం. దీంతో నిబంధనలు సామాన్యులకే వర్తిస్తాయా? ప్రముఖులకు వర్తించవా? అని పలువురు ప్రశ్నిస్తున్నారు. ఫలక్‌నుమా తాజ్ ప్యాలెస్ అరబిందో ఫార్మా తరఫున బుక్ చేసినట్లు తెలుస్తోంది.