దర్శకుడు రామ్‌గోపాల్‌ వర్మకు నోటీసులు అందాయి. ఆయన తెరకెక్కించిన 'గాడ్, సెక్స్‌ అండ్‌ ట్రూత్‌' లఘుచిత్రం కాన్సెప్ట్‌ తనదని.. దాన్ని వర్మ కాపీ కొట్టారని పి.జయకుమార్‌ అనే రచయిత కోర్టులో పిటిషన్‌ వేశారు. 2015 ఏప్రిల్‌ 1న ఈ స్క్రిప్ట్‌ను తాను వర్మకు పంపానని కానీ ఆయన నుంచి ఎలాంటి స్పందన రాలేదని జయకుమార్‌ తెలిపారు. ఇటీవల విడుదలైన 'గాడ్‌, సెక్స్‌ అండ్‌ ట్రూత్‌' ట్రైలర్‌ చూసి షాకయ్యానని పేర్కొన్నారు. తాను రాసిన స్క్రిప్ట్‌లో ఎలాంటి మార్పులు చేయకుండానే వర్మ ఈ లఘుచిత్రాన్ని యాథాతథంగా తెరకెక్కించారని ఆయన ఆరోపిస్తు్న్నారు. ఈ నేపథ్యంలో వర్మకు నోటీసులు పంపినట్లు తెలిపారు. గణతంత్ర దినోత్సవం సందర్భంగా వర్మ ఈ లఘుచిత్రాన్ని విడుదల చేయనున్నారు.