హైదరాబాద్, ఫిబ్రవరి 6, 
యువతులను ట్రాప్ చేసి.. ప్రైవేటు వీడియోలతో బెదిరింపులకు పాల్పడుతున్న వ్యవహారంలో అరెస్టయిన మస్తాన్ సాయి భాగోతాలు హార్డ్ డిస్కుల కొద్దీ బయటపడుతున్నాయి. హీరో రాజ్ తరుణ్ మాజీ ప్రియురాలు లావణ్య ఇచ్చిన ఫిర్యాదు మేరకు మస్తాన్ సాయిని అరెస్టు చేసిన బాచుపల్లి పోలీసులు.. రిమాండ్ రిపోర్టు సమర్పించారు. ఈ రిపోర్టులో మస్తాన్ సాయి అరాచకాల చిట్టా మొత్తం బయటపెట్టారు పోలీసులు. లావణ్య ఫిర్యాదు చేసినట్టుగా ఆమెను హతమార్చేందుకు మస్తాన్ సాయి ప్లాన్ చేసినట్టుగా పోలీసులు నిర్ధారించారు. మస్తాన్‌ సాయి, అతడి స్నేహితుడు ఖాజాకు డ్రగ్స్‌ పాజిటివ్‌ వచ్చినట్టుగా రిమాండ్‌ రిపోర్టులో పేర్కొన్నారు. డ్రగ్స్‌ తీసుకుని ఆ మత్తులోనే లావణ్య ఇంటికి వెళ్లిన మస్తాన్ సాయి.. వివాదం సృష్టించినట్టు పేర్కొన్న పోలీసులు.. ఎన్డీపీఎస్‌ సెక్షన్‌ను కూడా జోడించారు.మస్తాన్‌ సాయి ల్యాప్‌టాప్‌లో ఉన్న లావణ్య వ్యక్తిగత వీడియోలను నటుడు రాజ్‌తరుణ్‌ గతంలోనే తొలగించగా.. అంతకు ముందే ఆ వీడియోలను ఇతర డివైస్‌లలోకి మస్తాన్‌ సాయి కాపీ చేసుకున్నట్లు పోలీసుల దర్యాప్తులో తేలింది. లావణ్యను పలుమార్లు మర్డర్ చేయడానికి మస్తాన్ సాయి యత్నించినట్టుగా విచారణలో వెల్లడైంది. లావణ్య వద్ద ఉన్న హార్డ్‌ డిస్క్‌ కోసం ఆమెను చంపేందుకు మస్తాన్ సాయి ప్లాన్‌ చేసినట్లు రిమాండ్‌ రిపోర్టులో పోలీసులు పేర్కొన్నారు. ఈ క్రమంలోనే జనవరి 30వ తేదీన లావణ్య ఇంటికి వెళ్లి చంపేందుకు ప్రయత్నించినట్టు వెల్లడించారు.పోలీసుల దర్యాప్తులో మస్తాన్ సాయి భాగోతాలు బాగానే బయటపడ్డాయి. వీకెండ్స్‌ల్లో తన విల్లాలో భారీగా డ్రగ్స్ పార్టీలు నిర్వహించేవాడు. ఆ పార్టీలకు అమ్మాయిలను పిలిచి.. వారికి డ్రగ్స్ ఇచ్చేవాడు. అమ్మాయిలు డ్రగ్స్, గంజాయిలాంటి మత్తు పదార్థాలు తీసుకుంటున్న సమయంలోనే వీడియోలు రికార్డ్ చేసేవాడు. అమ్మాయిలు మత్తులోకి జారుకున్న తరువాత వారిపై మస్తాన్ సాయి లైంగిక దాడి చేసేవాడు. ఆ సమయంలో వీడియోలు రికార్డు చేసేవాడు. పోలీసులకు అలాంటి వీడియోలు సెల్‌ఫోన్లు, హార్డ్ డిస్కుల్లో కుప్పలు తెప్పలుగా దొరికాయి. మస్తాన్ సాయి సెల్ ఫోన్, హార్డ్ డిస్కులపై ఎఫ్‌ఎస్‌ఎల్ బృందం ఇంకా దర్యాప్తు చేస్తోంది.ఫిబ్రవరి 3వ తేదీన లావణ్య ఇచ్చిన ఫిర్యాదు మేరకు నార్సింగి పోలీసులు కేసు నమోదు చేసి మస్తాన్‌ సాయిని అదుపులోకి తీసుకున్నారు. నటుడు రాజ్‌తరుణ్‌ తనతో విడిపోవడానికి మస్తాన్‌ సాయి ప్రధాన కారణమని లావణ్య తన ఫిర్యాదులో పేర్కొన్నారు. మస్తాన్ సాయి పలువురు అమ్మాయిల వ్యక్తిగత వీడియోలు చిత్రీకరించినట్టు ఆరోపించగా.. విచారించిన పోలీసులు.. గుట్టలుగుట్టలుగా అమ్మాయిల నగ్న వీడియోలను గుర్తించారు. ఇందులో లావణ్యకు చెందిన వీడియోలు కూడా సుమారు 40 వరకు ఉన్నట్టు సమాచారం. మస్తాన్ సాయి సోదరి వివాహానికి వెళ్లిన సమయంలో లావణ్య బట్టలు మార్చుకుంటున్న సమయంలో సీక్రెట్‌గా వీడియో తీయగా.. దాన్ని అడ్డం పెట్టుకుని శారీరకంగా మానసికంగా చాలా ఇబ్బందులు పెట్టినట్టు లావణ్య ఫిర్యాదులో పేర్కొంది. ఈ విషయాన్ని రాజ్ తరుణ్‌కు కూడా చెప్పినట్టు సమాచారం. స్వయంగా సాఫ్ట్ వేర్ అయిన మస్తాన్ సాయి.. ఈ వీడియోల కోసం ప్రత్యేకంగా ఓ యాప్‌నే క్రియేట్ చేసినట్టుగా తెలుస్తోంది. మరోవైపు.. లావణ్యతో సహా పలువురు అమ్మాయి ఈమెయిల్స్‌ హ్యాక్ చేసి.. వారి సీక్రెట్‌లను తెలుసుకుని.. వాటిని అడ్డం పెట్టుకుని అరాచకాలు చేసినట్టుగా తెలుస్తోంది. కాగా.. మస్తాన్ సాయి భాగోతాలు ఇంకా చాలా ఉన్నాయని.. అవన్నీ తానే స్వయంగా చెప్తానంటూ లావణ్య ఇప్పటికే స్టేట్ మెంట్ ఇచ్చిన విషయం తెలిసిందే.