తమ పాఠశాలలో కనీస వసతుల సమస్యను.. అక్కడి బాలికలు చాలా తెలివిగా పరిష్కరించుకున్నారు. జగిత్యాల జిల్లా కోరుట్ల జడ్పీ హైస్కూల్‌లోని 9వ తరగతి విద్యార్థులు.. తమ పాఠశాల సమస్యలపై హైకోర్ట్‌ న్యాయమూర్తికి లేఖ రాశారు. లెటర్ అందుకున్న ఉన్నత న్యాయమూర్తి.. వెంటనే ఈ సమస్యపై స్పందించారు. వెంటనే పాఠశాలలో సమస్య పరిష్కరింలాంటూ... ఆదేశాలు జారీ చేశారు. దీంతో జిల్లా విద్యాశాఖ అధికారి.. హుటాహుటిన ఇంజనీర్లతో కలిసి పాఠశాలను పరిశీలించారు. వసతుల కల్పనకు 11లక్షల రూపాయలతో అంచనాలు తయారు చేశారు. హైకోర్టు న్యాయమూర్తికి లేఖ రాసిన ఇద్దరు విద్యార్థుల ప్రతిభను స్థానికులు హర్షిస్తున్నారు.