జియో..నూతన సంవత్సరం సందర్భంగా మరో ఆఫర్‌ను ప్రకటించింది. రూ.399తో రీచార్జి చేసుకున్న వినియోగదారులకు 100 శాతం క్యాష్‌బ్యాక్ ఆఫర్‌ను అందిస్తున్నది. అంటే రూ.399 విలువైన కూపన్లను కంపెనీకి చెందిన ఈ-కామర్స్ పోర్టల్ ఈజీయోలో కొనుగోలు చేయాల్సి ఉంటుంది. ఈజియోతో కలిసి ప్రకటించిన ఈ నూతన సంవత్సర ఆఫర్ మైజియో యాప్‌లో మై కూపన్స్ క్రెడిట్ కానున్నది. ఈ క్యాష్‌బ్యాక్ ఆఫర్ పొందాలంటే కనీసంగా రూ.1,000 వరకు కొనుగోలు చేయాల్సి ఉంటుంది. ఈ ఆఫర్ పాత కస్టమర్లతోపాటు నూతన వినియోగదారులు జనవరి 31లోపు రూ.399తో రీచార్జి చేసుకున్న వారికి వర్తించనున్నది. మార్చి 15 లోగా కూపన్లను వాడుకోవాల్సి ఉంటుంది.