గ్రేడ్-బి ఆఫీసర్స్ పోస్టుల భర్తీకి ఆగస్టులో ఫేజ్-1 పరీక్ష, సెప్టెంబరులో ఫేజ్-2 పరీక్షలు నిర్వహించింది. రాతపరీక్షలో అర్హత సాధించిన అభ్యర్థులకు ఇంటర్వ్యూలు నిర్వహించి తుది ఎంపిక చేసింది.

మార్చి 7న మార్కుల షీట్స్, కటాఫ్ మార్కులు వెల్లడి

ఆర్బీఐ గ్రేడ్-బీ ఆఫీసర్స్ ఫలితాలు వెలువడ్డాయి. అధికారిక వెబ్సైట్లో ఫలితాలను అందుబాటులో ఉంచారు. గ్రూప్-బి పరిధిలోని జనరల్ (డీఆర్-డైరెక్ట్ రిక్రూట్), డీఈపీఆర్-డిపార్ట్మెంట్ ఆఫ్ ఎకనామిక్ పాలిసీ అండ్ రిసెర్చ్, డీఎస్ఐఎం-డిపార్ట్మెంట్ ఆఫ్ స్టాటిస్టిక్స్ అండ్ ఇన్ఫర్మేషన్ మేనేజ్మెంట్ పోస్టులకు ఎంపికైన అభ్యర్థుల జాబితాను పోస్టుల వారీగా విడుదల చేశారు. జోన్లవారీగా ఎంపికైన అభ్యర్థుల జాబితాను వెబ్సైట్లో పీడీఎఫ్ రూపంలో అందుబాటులో ఉంచారు. అభ్యర్థుల మార్కుల షీట్స్, కటాఫ్ మార్కుల వివరాలను 15 రోజుల్లో విడుదల చేయనున్నారు. మార్చి 7న వెబ్సైట్లో పొందపరచనున్నారు. 

ఫలితాల కోసం కింది లింక్లను క్లిక్ చేయాలి. 

గ్రేడ్-బి ఆఫీసర్స్ జనరల్ (డీఆర్) 

గ్రేడ్-బి ఆఫీసర్స్ డీఈపీఆర్ (డీఆర్) 

గ్రేడ్-బి ఆఫీసర్స్ డీఎస్ఐఎం (డీఆర్) 

రిజర్వ్ బ్యాంక్ ఆఫ్ ఇండియా గతేడాది జులై నెలలో 166 గ్రేడ్-బి ఆఫీసర్స్ పోస్టుల భర్తీకి నోటిఫికేషన్ విడుదల చేసింది. వీటిలో జనరల్ కేటగిరీ పోస్టులు 127 ఉండగా.. 22 డీఈపీఆర్ పోస్టులు, 17 డీఎస్ఐఎం పోస్టులు ఉన్నాయి. ఈ పోస్టుల భర్తీకిగాను ఆగస్టులో ఫేజ్-1 పరీక్ష, సెప్టెంబరులో ఫేజ్-2 పరీక్షలు నిర్వహించింది. రాతపరీక్షలో అర్హత సాధించిన అభ్యర్థులకు ఇంటర్వ్యూలు నిర్వహించి తుది ఎంపిక చేసింది. ఎంపికైనవారికి నెలకు రూ.75 వేలకు పైగా వేతనం అందుతుంది.