.jpg)
యువ్ న్యూస్ జనరల్ బ్యూరో:
ఉగ్రవాదులకు పాక్‌ స్వర్గధామంగా మారిందని ప్రపంచ దేశాలు నమ్ముతున్నప్పటికీ.. పాక్‌ మాత్రం అటువంటిదేమీ లేదని బుకాయిస్తోంది. అయితే తాజాగా ఉగ్రవాదం విషయంలో పాక్‌ తీరును ఆ దేశ మాజీ అధ్యక్షుడు పర్వేజ్‌ ముషారఫ్‌ బట్టబయలు చేశారు. జైషే మహ్మద్‌ ఉగ్రవాద సంస్థ అని.. భారత్‌ లో దాడులు జరిపేందుకు పాక్‌ నిఘా వర్గాలు జైషేను ఉపయోగించుకుంటున్నాయని ముషారఫ్‌ వెల్లడించారు.ఓ పాకిస్థానీ జర్నలిస్టుకు టెలిఫోన్‌ ద్వారా ఇచ్చిన ఇంటర్వ్యూలో ముషారఫ్‌ ఈ వ్యాఖ్యలు చేశారు. 2003లో జైషే సంస్థ తనను రెండు సార్లు చంపడానికి యత్నించిందని అన్నారు. జైషేపై చర్యలు తీసుకోవడాన్ని ఆయన స్వాగతించారు. అయితే మీరు అధికారంలో ఉన్న సమయంలో జైషేపై ఎందుకు చర్యలు తీసుకోలేదని ప్రశ్నించగా.. నాటి పరిస్థితులు భిన్నమైనవి అని, ఆ విషయంలో తాను కూడా ఎలాంటి ఒత్తిడి తీసుకురాలేదని అంగీకరించారు.పాక్‌ నుంచి జైషే భారత్‌లో పలు దాడులకు పథకాలు రచించిన విషయం తెలిసిందే. ఇటీవల జరిగిన పుల్వామా ఉగ్రదాడి కూడా జైషేనే చేసింది.