YUV News Logo
YuvNews
Open in the YuvNews app
OPEN

ఫ్లాష్ న్యూస్

వార్తలు నేరాలు తెలంగాణ ఆంధ్ర ప్రదేశ్

ప్రియుడి కోసం భర్త హత్య

ప్రియుడి కోసం భర్త హత్య

ప్రియుడి కోసం భర్త హత్య
హైద్రాబాద్, సెప్టెంబర్ 9
స్నేహితుడి భార్యతోనే వివాహేతర సంబంధం పెట్టుకున్నాడు. ఆపై అందుకు అడ్డు వస్తున్నాడని అతడిని కిరాతకంగా హత్య చేశాడు. పిల్లల భవిష్యత్తు గురించి కూడా ఆలోచించకుండా ఆ ఇల్లాలు   కట్టుకున్న భర్తను కడతేర్చడంలో ప్రియుడికి సహకరించింది. హైదరాబాద్‌లోని పటాన్‌చెరులో ఈ దారుణం వెలుగులోకి వచ్చింది.పటాన్‌చెరు డీఎస్పీ రాజేశ్వర రావు, సీఐ నరేశ్ తెలిపిన వివరాల   ప్రకారం.. సంగారెడ్డి జిల్లా పుల్కల్‌ మండలం ముదిమాణిక్యం గ్రామానికి చెందిన దివాకర్‌ తన భార్య, పిల్లలతో కలిసి పటాన్‌చెరులోని చైతన్యనగర్‌ కాలనీలో నివాసం ఉంటున్నాడు. స్థానికంగా ఓ వ్యక్తి   వద్ద ట్రాక్టర్‌ డ్రైవర్‌గా పనిచేస్తూ కుటుంబాన్ని పోషిస్తున్నాడు. శంకర్‌పల్లి మండలం శేరిగూడెం గ్రామానికి చెందిన మైలారం జంగయ్యతో దివాకర్‌కు ఏర్పడిన పరిచయం స్నేహంగా మారింది.అర్థిక   పరిస్థితి అంతంత మాత్రంగానే ఉండటంతో దివాకర్‌ తరచూ జంగయ్య వద్ద డబ్బులు అప్పుగా తీసుకునేవాడు. జంగయ్య తరుచూ దివాకర్‌ ఇంటికి వచ్చిపోయేవాడు. ఈ క్రమంలో దివాకర్‌ భార్య   సురేఖతో అతడికి వివాహేతర సంబంధం ఏర్పడింది. ఈ విషయాన్ని గుర్తించిన దివాకర్.. భార్య సురేఖను పలుమార్లు హెచ్చరించాడు.భర్త హెచ్చరించినా సురేఖ తన ప్రవర్తన మార్చుకోలేదు. అంతటితో   ఆగకుండా తమ సంబంధానికి అడ్డొస్తున్నాడని అతడిని ఎలాగైనా కడతేర్చాలని నిర్ణయించుకుంది. ప్రియుడు జంగయ్యతో కలిసి భర్త దివాకర్ హత్యకు కుట్ర పన్నింది. దివాకర్‌ను అంతమొందించాలని  
భావించిన జంగయ్య.. సమీప గ్రామాలకు చెందిన పరమేష్‌, ప్రకాశ్ అనే వ్యక్తులను కలిసి వారి సాయం కోరాడు.దివాకర్‌ హత్య కోసం రూ.2 లక్షలకు ఒప్పందం కుదిరింది. ప్రకాశ్, పరమేశ్‌కు ఒప్పందం   ప్రకారం జంగయ్య ముందస్తుగా రూ.1.3 లక్షలు చెల్లించాడు. వీరంతా కలిసి ఆగస్టు 26న రాత్రి పథకం ప్రకారం దివాకర్‌ను తీసుకొని ముదిమాణిక్యం గ్రామానికి బయల్దేరారు. మార్గమధ్యలో   పెద్దకంజర్ల గ్రామ శివారులో ముగ్గురూ కలిసి దివాకర్ తలపై బండరాయితో కొట్టి దారుణంగా హత్య చేశారు.నిందితులను ఫోన్ కాల్ డేటా పట్టించింది. హత్య జరిగిన రోజు నిందితుడు జంగయ్య   పలుమార్లు దివాకర్‌కు ఫోన్ చేశాడు. జంగయ్య ఫోన్ కాల్స్‌ను పరిశీలించిన పోలీసులు అతణ్ని అదుపులోకి తీసుకొని ప్రశ్నించగా హత్య విషయం చెప్పాడు. జంగయ్య చెప్పిన వివరాల ప్రకారం.. నిందితులు పరమేశ్, ప్రకాశ్‌తో పాటు దివాకర్‌ భార్య సురేఖను అరెస్టు చేశారు. వీరందరినీ రిమాండ్‌కు తరలించారు.

<

Related Posts

0 comments on "ప్రియుడి కోసం భర్త హత్య"

Leave A Comment