అయోధ్యలో రామాలయ నిర్మాణానికి  స్థలాన్ని ముస్లింలు కానుకగా ఇవ్వాలని ఆర్ట్ ఆఫ్ లివింగ్ సంస్థ వ్యవస్థాపకులు, ప్రముఖ ఆధ్యాత్మికవాది పండిట్ శ్రీ శ్రీ రవిశంకర్ సూచించారు. ఇదే పరిష్కార మార్గంగా అయన  పేర్కొన్నారు. రామజన్మభూమి-బాబ్రీమసీదు వివాదానికి చక్కని పరిష్కారం కోర్టు బయటే సాధ్యమవుతుందని రవిశంకర్ అభిప్రాయపడ్డారు.  ముస్లింలలో షియా, సున్నీ వర్గాలతో అయన  చర్చలు జరిపిన విషయం తెలిసిందే. కానీ ఈ విషయంలో ప్రభుత్వంతో మాత్రం సంప్రదింపులు జరపలేదని  చెప్పారు. ఈ అంశంలో సుప్రీంకోర్టు  ఇచ్చే తీర్పు ఓ వర్గానికి అనుకూలమైతే .. మాట ఘర్షణకు దారితీసే ప్రమాదం ఉందన్నారు. ఏదిఏమైనా ఈ విషయంలో కోర్టు వెలుపల సయోధ్యే పరిష్కారానికి అవకాశం ఏర్పడుతుందన్నారు.