చినజీయర్ స్వామికి ఆర్టీసీ కార్మికుల మొర
హైదరాబాద్ అక్టోబర్ 30 
ప్రభుత్వానికి కనువిప్పు కలగజేయాలంటూ ఆర్టీసీ ఉద్యోగులు శ్రీమన్నారాయణ చినజీయర్ స్వామిని వేడుకున్నారు. బుధవారం ముచింతల్ ఆశ్రమంలో ఆయనను కలిసి ఈ మేరకు ఓ వినతిపత్రాన్ని అందించారు. నెల రోజులుగా సమ్మె చేస్తున్నా ప్రభుత్వం నుంచి తగిన స్పందన కరవైందని కార్మిక నేతలు ఈ సందర్భంగా చినజీయర్తో మొర పెట్టుకున్నారు. సమ్మె నేపధ్యంలో ఇటు ప్రయాణికులకు ఇబ్బందులు, కార్మికులకు కష్టాలు కొనసాగుతున్నాయన్నారు. ప్రభుత్వం ఇప్పటికైనా స్పందించనిపక్షంలో మరింత గడ్డు పరిస్థితులేర్పడతాయని ఆందోళన వ్యక్తం చేశారు.