వర్షిత కేసులో నిందితుడు అరెస్ట్
తిరుపతి, నవంబర్ 16, (న్యూస్ పల్స్)
చిత్తూరు జిల్లాలో కలకలంరేపిన ఐదేళ్ల చిన్నారి వర్షిత అత్యాచారం, హత్యకేసును పోలీసులు ఛేదించారు. ఈ కేసులో నిందితుడు రఫీని ఛత్తీస్‌గఢ్‌లో పోలీసులు అరెస్ట్ చేశారు. రఫీ చిన్నారిని ఫోటోలు తీస్తూ ట్రాప్ అఘాయిత్యానికి పాల్పడ్డాడు.. వర్షితను హత్యచేసి దుస్తుల్ని అక్కడే వదిలేసి ఛత్తీస్‌గఢ్ పారిపోయాడు. తర్వాత పోలీసులు గుర్తుపట్టకుండా గుండు గీయించుకున్న రఫీ తప్పించుకొని తిరిగాడు. చివరికి పోలీసులకు అడ్డంగా దొరికిపోయాడు. అత్నడి అరెస్ట్ చేసిన పోలీసులు మీడియా ముందు ప్రవేశ పెట్టారు.. అనంతరం రిమాండ్‌కు తరలించారు.లారీ క్లీనర్‌గా పనిచేస్తున్న రఫీ స్వస్థలం మదనపల్లె మండలం బసినికొండ కాగా.. గతంలో రఫీ ప్రవర్తన సరిగా లేదని భార్య అతడ్ని వదిలేసి వెళ్లిపోయింది. అప్పటి నుంచి రఫీ జులాయిగా తిరుగుతున్నట్లు తెలుస్తోంది. అంతేకాదు రఫీ గతంలోనూ చిన్నారులపై అత్యాచారాలకు పాల్పడినట్లు పోలీసులు చెబుతున్నారు. ఓ కేసులో రెండు నెలలు జైల్లో కూడా ఉండి వచ్చాడు. తర్వాత కూడా పద్దతి మార్చుకోని రఫీ.. మళ్లీ వర్షితపై అఘాయిత్యానికి పాల్పడ్డాడు.. ఘోరంగా చంపేశాడు.చిత్తూరు జిల్లా బి.కొత్తకోట మండలం గుట్టపాళ్యంకు చెందిన వర్షిత తల్లిదండ్రులతో కలిసి మూడు రోజుల క్రితం చేనేతనగర్‌లోని కల్యాణ మండపంలో పెళ్లికి వెళ్లింది. న పెళ్లికి వర్షిత తల్లిదండ్రులతో కలిసి హాజరైంది. కొద్దిసేపటి తర్వాత బాలిక కనిపించకపోవడంతో తల్లిదండ్రులు ఆందోళన పడుతూ చుట్టుపక్కల గాలించారు. ఫంక్షన్ హాల్ వెనుక చిన్నారి విగతజీవిగా కనిపించడంతో అంతా షాకయ్యారు. పోస్టుమార్టం నివేదికలో వర్షితపై అత్యాచారం చేసి చంపేసినట్లు తెలియడంతో అంతా షాకయ్యారు.వర్షిత హత్యాచారం ఘటనపై ముఖ్యమంత్రి వైఎస్ జగన్‌మోహన్‌రెడ్డి స్పందించారు. ఈ ఘటనను తనను తీవ్ర కలిచివేసిందని.. ఈ దారుణానికి ఒడిగట్టిన వారిని ఎట్టి పరిస్థితుల్లోనూ వదిలిపెట్టొద్దని పోలీసులను ఆదేశించారు. దీంతో పోలీసులు స్పెషల్ టీమ్‌లను రంగంలోకి దించి మరీ నిందితుడి కోసం గాలించారు. చివరికి ఛత్తీస్‌గఢ్‌లో అరెస్ట్ చేశారు.