హైదరాబాద్ జూబ్లీహిల్స్ లో ఆరు నెలలు ట్రాఫిక్ ఆంక్షలు విధించినట్టు తెలిపారు హైదరాబాద్ సీపీ వీవీ శ్రీనివాసరావు. జూబ్లీహిల్స్ రోడ్డు నెం. 45లో శ్రీహరి ఇంటి నుంచి దుర్గం చెరువు వరకు నాలుగు లైన్ల ఎలివేటెడ్ కారిడార్‌ను నిర్మిస్తుండడంతో.. ఆ రూట్‌లో వెళ్లే వాహనాలను దారి మళ్లిస్తున్నట్లు చెప్పారు. ఈ ఆంక్షలు జనవరి 10 నుంచి జూలై 9వ తేదీ వరకు అమల్లో ఉంటాయి.
మాదాపూర్ నుంచి రోడ్డు జూబ్లీహిల్స్ రోడ్ నెం.45లోకి వచ్చే వాహనాలను అనుమతించరు. ఈ వెహికల్స్ రోడ్డు నెం. 44 మీదుగా NOC పబ్, ఇక్బాల్యా ఇంటర్‌నేషనల్ స్కూల్, ఫెర్నాండేజ్ దవాఖానా, రోడ్డు నెం. 39/44 జంక్షన్ మీదుగా రోడ్డు నెం.45లోకి ఎంటర్ కావాలి. వాహనదారులు ఇబ్బందులు పడకుండా ప్రత్యామ్నాయ రూట్లలో వెళ్లాలన్నారు.

రోడ్ నెం.1/12లో - 15 రోజులు ట్రాఫిక్ ఆంక్షలు
. రోడ్డు నెం.12లోని 1/12 జంక్షన్ నుంచి హిందు శ్మశాన వాటిక వరకు ఎం-40 గ్రేడ్ సీసీ రోడ్డు, ఫుట్‌పాత్ తదితర పనుల కారణంగా 15 రోజులు ట్రాఫిక్ ఆంక్షలు విధిస్తున్నట్లు సీపీ శ్రీనివాసరావు తెలిపారు. ఈ ఆంక్షలు జనవరి 11 నుంచి 26వ తేదీ వరకు అమలులో ఉంటాయి.
. మాసబ్‌ట్యాంక్ నుంచి రోడ్ నెం. 12కు వెళ్లే వాహనాలను 1/12 జంక్షన్‌లో మళ్లిస్తారు. ఈ వాహనాలు 1/10 జంక్షన్ నుంచి బంజారాహిల్స్ రోడ్ నెం. 10, జహీరానగర్, క్యాన్సర్ ఆస్పత్రి, ఒడిశా ఐలాండ్ జంక్షన్ మీదుగా రోడ్ నెం.12లోకి వస్తారు.
. బంజారాహిల్స్ రోడ్ నెం.13లో వన్‌వేను ఏర్పాటు చేస్తున్నారు. మినిస్టర్ క్వార్టర్స్ నుంచి రోడ్డు నెం.1లోకి వన్‌వే ఉంటుంది. రోడ్డు నెం.1/12 జంక్షన్ నుంచి రోడ్డు నెం. 13 వాహన అనుమతి ఉండదు. ఈ రూట్‌లోని వాహనాలను రోడ్డు నెం.1/10 జంక్షన్, రోడ్డు నెం.10, జహీరానగర్, క్యాన్సర్ దవాఖానా, ఒడిశా ఐలాండ్ జంక్షన్, రోడ్డు నెం.12కు మళ్లిస్తారు.
. రోడ్డు నెం.45, ఫిలింనగర్, అపోలో ఆస్పత్రి నుంచి రోడ్ నెం.12 మీదుగా వచ్చేవి ఒడిశా ఐలాండ్ జంక్షన్, క్యాన్సర్ ఆస్పత్రి, జహీరానగర్, రోడ్డు నెం.10, రోడ్డు నెం. 1/10 జంక్షన్ నుంచి రోడ్డు నెం.1లోకి వెళ్లాలి.
. ACB అఫీస్ పరిసర ప్రాంతాల నుంచి రోడ్డు నెం.1/12 జంక్షన్‌కు వచ్చేవి రోడ్డు నెం.13 బంజారాహిల్స్ రోడ్డు మీదుగా ట్రాఫిక్‌ను మళ్లిస్తారు.