YUV News Logo
YuvNews
Open in the YuvNews app
OPEN

ఫ్లాష్ న్యూస్

వార్తలు నేరాలు తెలంగాణ

ప్రేమ.. వంచన.. 

ప్రేమ.. వంచన.. 

ప్రేమ.. వంచన.. 
ఖమ్మం, జనవరి 11
ప్రేమిస్తున్నానంటూ వెంటపడ్డాడు. పెళ్లి చేసుకుంటానని నమ్మబలికి వంచించాడు. ఇదేంటని ప్రశ్నిస్తే మీ తల్లిదండ్రులను తీసుకురావాలని సూచించాడు. తీరా, వారు వచ్చేలోగా మరో యువతిని వివాహం చేసుకున్నాడు. ఈ సంఘటన గురువారం ఖమ్మం జిల్లాలోని కారేపల్లి మండల పరిధిలోని పోలంపల్లిలో వెలుగులోకి వచ్చింది. బాధితురాలు తెలిపిన వివరాల ప్రకారం..భాగ్యనగర్‌ తండాకు చెందిన వాంకుడోత్‌ సోనియా ఖమ్మం పట్టణంలో డిగ్రీ చదువుతోంది. తల్లిదండ్రులు వాంకుడోత్‌ లక్ష్మి, లాలు బతుకుదెరువు కోసం హైదరాబాద్‌ వెళ్తూ సోనియాను తమ పెద్దకూతురు వద్ద ఉంచారు. అయితే అదే గ్రామానికి చెందిన పీజీ పూర్తి చేసిన అజ్మీరా సంపత్‌.. ప్రేమిస్తున్నానంటూ సోనియా వెంటపడ్డాడు. పెళ్లి చేసుకుంటానని నమ్మించి లోబర్చుకున్నాడు. పెళ్లి విషయం ఎత్తగానే తన అక్కాచెల్లెళ్ల వివాహాల తర్వాత చేసుకుంటానంటూ నాలుగేళ్లుగా వాయిదా వేస్తున్నాడు.ఈ క్రమంలో మరో యువతితో పెళ్లి నిశ్చయం చేసుకున్నారని తెలియడంతో సోనియా బుధవారం సంపత్‌ ఇంటికి వచ్చి నిలదీసింది. తనను పెళ్లి చేసుకోవాలని దీక్షకు దిగింది. దీంతో నిన్ను తప్ప మరొకరిని పెళ్ళి చేసుకోనని, మీ అమ్మనాన్నలను పిలిపించాలని మళ్లీ నమ్మబలికాడు. దీంతో పెద్దలు జోక్యం చేసుకుని గురువారం పంచాయితీ చేద్దామని, అప్పటివరకు ఎవరి ఇంటికి వారు వెళ్లాలని తెలిపారు.తీరా గురువారం సంపత్‌ ఇంటికి రాగా బుధవారం రాత్రే అతను పెళ్లి చేసుకున్నాడు. దీంతో తనకు ప్రియుడితోనే వివాహం జరిపించాలని, చావైనా, బతుకైనా అతనితోనే అంటూ సంపత్‌ ఇంటి ఎదుట ఆందోళనకు దిగింది. అనంతరం తన తల్లిదండ్రులతో కలిసి కారేపల్లి పోలీస్‌స్టేషన్‌లో ఫిర్యాదు చేసింది. దీనిపై కేసు నమోదు చేసుకున్న పోలీసులు విచారణ చేపట్టారు.

Related Posts