కాకినాడ, జూలై 10, 
తెలుగు రాష్ట్రాల్లో అల్లుడికి ఎంత మర్యాద ఇస్తారో తెలిసిందే. ఇక కొత్త అల్లుడైతే ఉక్కిరిబిక్కిరి కావల్సిందే. ముఖ్యంగా విందు విషయంలో అస్సలు రాజీపడరు. వారు పెట్టే వెరైటీలకు కడుపు పగిలిపోవల్సిందే. నమ్మబుద్ధి కావడం లేదా? ఈ ఆంధ్ర అత్తగారు తమ అల్లుడు కోసం తయారు చేసిన ఈ విందు గురించి తెలిస్తే తప్పకుండా ఆశ్చర్యపోతారు.అనంత్ రూపంగుడి అనే అనే ట్విట్టర్ యూజర్ పోస్టు చేసిన ఈ వీడియోలో ఓ మహిళ తన అల్లుడి కోసం తయారు చేసిన వివరించారు. మొత్తం ఐదు దఫాలుగా 67 రకాల ఆహారాలను అల్లుడి కోసం సిద్ధం చేశారు. కేకు కటింగ్ నుంచి.. చాట్, స్వీట్లు నుంచి పులిహోరా తదితర రకాల వంటకాలను అందుబాటులో ఉంచారు. ఆమె ఈ వీడియోలో ఒక్కో వంటకం, వెరైటీల గురించి వివరిస్తుంటే.. మీకు కూడా నోరూరుతుంది. ఆ ఇంటికి మనం అల్లుడైనా బాగుంటుందని ఆహార ప్రియులు లొట్టలేస్తారు.ఆమె వంటకాలు చూసి నెటిజనులు ఆశ్చర్యపోతున్నారు. మీరు అన్ని వంటకాలు పెడుతున్నారు సరే.. పాపం మీ అల్లుడు అవన్నీ తినగలరా అని ఆశ్చర్యపోతున్నారు. కొందరైతే జోకులు పేలుస్తున్నారు. ఆమెను ఏకంగా ‘మదర్-ఇన్-లా ఆఫ్ ఇండియా’ అని పొగిడేస్తున్నారు. ప్యాట్రిక్ బ్రూక్‌మ్యాన్ అనే ట్విట్టర్ యూజర్.. ‘‘నేను తర్వాతి జన్మలో భారతీయ అల్లుడిగా పుడతాను’’ అని రిట్వీట్ చేయడం గమనార్హం.