YUV News Logo
YuvNews
Open in the YuvNews app
OPEN

ఫ్లాష్ న్యూస్

వార్తలు సినిమా తెలంగాణ ఆంధ్ర ప్రదేశ్ దేశీయం

30న కాజల్ పెళ్లి

30న కాజల్ పెళ్లి

చెన్నై, అక్టోబరు 6
టాలీవుడ్‌ సీనియర్ కాజల్ అగర్వాల్ పెళ్లి పీటలెక్కడం ఖరారైపోయింది. ముంబయికి చెందిన వ్యాపారవేత్త గౌతమ్ కిచ్లుతో కాజల్ నిశ్చితార్థం జరిగినట్లు సోషల్‌మీడియా కోడై కూసిన సంగతి తెలిసిందే. ఆ వార్తను నిర్ధారిస్తూ కాజల్ తన పెళ్లి ముచ్చటను బయటపెట్టింది. ఈ నెల 30వ తేదీన గౌతమ్‌ని పెళ్లాడనున్నట్లు అధికారికంగా ప్రకటించింది. ఈ మేరకు మంగళవారం ఉదయం తన ఇన్‌స్టాగ్రామ్ అకౌంట్లో పోస్ట్ చేసింది. కరోనా నేపథ్యంలో పరిమిత సంఖ్యలోనే అతిథులను ఆహ్వానిస్తున్నట్టు చెప్పింది.తన సినీ ప్రయాణంలో మద్దతుగా నిలిచిన అందరికీ కాజల్ ధన్యవాదాలు తెలిపింది. ఇకముందు కూడా తనపై ఆదరాభిమానాలు చూపిస్తారని ఆకాంక్షించింది. గౌతమ్ కిచ్లు, కాజల్ మధ్య కొంతకాలం క్రితం ఏర్పడిన స్నేహం ప్రేమగా మారిందని, ఇరు కుటుంబాల సమక్షంలో నిశ్చితార్థం కూడా జరిగినట్లు సమాచారం. ఇప్పుడు కాజలే తన పెళ్లి తేదీని స్వయంగా ప్రకటించడం విశేషం.‘లక్ష్మీ కళ్యాణం’ సినిమాతో తెలుగు సినీ పరిశ్రమకు పరిచయమైన కాజల్ అతి తక్కువ సమయంలోనే స్టార్ హీరోయిన్ హోదా దక్కించుకుంది. ‘మగధీర‌’ సినిమా ఇచ్చిన బ్రేక్‌తో వెనుదిరిగి చూసుకోలేదు. అందంతో పాటు అభినయం కలగలిపిన ఈ బ్యూటీ రామ్‌చరణ్‌, చిరంజీవి, పవన్‌ కళ్యాణ్, ఎన్టీఆర్‌, ప్రభాస్‌, అల్లు అర్జున్‌ వంటి స్టార్స్‌తో నటించి అగ్ర స్థానానికి చేరుకుంది. ప్రస్తుతం మెగాస్టార్‌ చిరంజీవితో ఆచార్య, కమల్ హాసన్‌తో ఇండియన్ 2 లాంటి భారీ బడ్జెట్ సినిమాల్లో నటిస్తోంది. మంచు విష్ణుతో మోసగాళ్లు సినిమాతో పాటు, బాలీవుడ్‌లో జాన్ అబ్రహాంతోనూ నటిస్తోంది

Related Posts

0 comments on "30న కాజల్ పెళ్లి"

Leave A Comment