విశాఖపట్నం
విశాఖ స్టీల్ ప్లాంట్ను ప్రైవేటీకరణ చేస్తున్నట్లు కేంద్ర ప్రభుత్వ ప్రకటనకు వ్యతిరేకంగా రాష్ట్ర ప్రభుత్వం అసెంబ్లీ లో తీర్మానం ప్రవేశపెట్టడం పై విశాఖ లో ప్రజాసంఘాలు హర్షం వ్యక్తం చేస్తున్నాయి.ఉత్తరాంధ్ర ప్రజల మనోభావాలను దెబ్బ తీసేందుకు కేంద్ర ప్రభుత్వం వ్యవహరిస్తున్న తరుణంలో రాష్ట్ర ప్రభుత్వం తీసుకున్న నిర్ణయాన్ని స్వాగతిస్తు న్నామని విశాఖలో పొలిటికల్ జేఏసీ నేతలు ప్రకటించారు. ఈ మేరకు విశాఖ జీవీఎంసీ గాంధీ విగ్రహం వద్ద పొలిటికల్ జేఏసీ నేతలు ప్రభుత్వానికి ధన్యవాదాలు తెలుపుతూ నినాదాలు చేశారు. కేంద్ర ప్రభుత్వం స్టీల్ ప్లాంట్ విషయంలో స్పష్టమైన వైఖరిని తెలియజేయాలని జేఏసీ నేత జేటి రామారావు డిమాండ్ చేశారు.