.jpg)
సిటీ సెంటర్ లో వ్యభిచారం
హైద్రాబాద్, ఆగస్టు 25,
పోలీసులు ఎన్ని చర్యలు తీసుకుంటున్నా హైదరాబాద్ నగరంలో అసాంఘిక కార్యకలాపాలకు అడ్డుకట్ట పడటం లేదు. పోలీసులు నిఘా పెడుతున్నా అక్రమార్కులు ఎప్పటికప్పుడు కొత్తదారుల్లో తమ దందా చేసుకుంటూ పోతున్నారు. ఇటీవల కాలంలో భాగ్యనగరంలో అనే సెక్స్ రాకెట్లను చేధించిన పోలీసులు ఈ సారి ఏకంగా నగరం నడిబొడ్డున సాగుతున్న వ్యభిచార దందాను బట్టబయలు చేశారు. ఆన్‌లైన్ ద్వారా విటులను ఆకర్షిస్తూ హోటల్‌లో వ్యభిచారం నిర్వహిస్తున్న ముఠా గుట్టును అబిడ్స్ పోలీసులు రట్టు చేశారు. ఇద్దరు యువతులతో పాటు ఓ వ్యక్తిని అరెస్ట్ చేసి విచారిస్తున్నారు.బెంగళూరు కేంద్రంగా కార్యకలాపాలు సాగిస్తున్న ఓ ముఠా ఆన్‌లైన్‌లో అమ్మాయిల ఫొటోలు పంపించి హైదరాబాద్‌లో యువత, బడాబాబులకు వల విసురుతోంది. అమ్మాయిల ఫోటోలను వాట్సాప్‌లో పంపిస్తూ నచ్చిన వారికి బ్రోకర్ నంబర్ ఇచ్చి డీల్ మాట్లాడుకుంటారు. అనంతరం బ్రోకర్ విటులకు ఎల్బీ స్టేడియం ఎదురుగా ఉన్న ఓ హోటల్‌లో రూమ్ బుక్ చేసి కోరుకున్న అమ్మాయిని పంపిస్తుంటాడు.కొన్నా్ళ్లుగా సాగుతున్న ఈ సెక్స్ దందాపై విశ్వసనీయ సమాచారం అందుకున్న అబిడ్స్ పోలీసులు, సీసీఎస్‌ పోలీసుల సహకారంతో ఆ హోటల్‌పై మంగళవారం రాత్రి దాడులు నిర్వహించారు. ఈ సందర్భంగా కోల్‌కత్తా, ఢిల్లీ ప్రాంతాలకు చెందిన ఇద్దరు యువతులతో పాటు హోటల్ మేనేజర్ సలీంను అదుపులోకి తీసుకున్నారు. అక్కడ చాలాకాలంగా ఇతర రాష్ట్రాల నుంచి యువతులను తీసుకొచ్చి వ్యభిచారం నిర్వహిస్తున్నట్లు పోలీసులు చెబుతున్నారు. మరోవైపు హోటల్‌లో పోలీసులు రైడ్ ముందే తెలుసుకున్న విటులు, బ్రోకర్లు పరారైనట్లు తెలుస్తోంది.