సమాజంలోని వివిధ వర్గాల వారి మద్దతు సమీకరణకు గాను బీజేపీ ‘సంపర్క్ ఫర్ సమర్థన్’ పేరుతో ఓ కార్యక్రమం చేపట్టిన విషయం తెలిసిందే.ఇందులో భాగంగానే బీజేపీ జాతీయ అధ్యక్షుడు అమిత్ షా ఇటీవలే బాలీవుడ్ సీనియర్ నటీమణి మాధురిదీక్షిత్, శివసేన చీఫ్ ఉద్దవ్ ఠాక్రేలతో భేటీ అయ్యారు. ఈ కార్యక్రమంలో భాగంగానే నిర్మలాసీతామన్ కూడా  ప్రముఖ క్రీడాకారులతో సమావేశమై వారి మద్దతు కోరడం జరిగింది. ఈ సందర్భంగా లక్ష్మణ్, సానియా మీర్జా, గోపీచంద్ కు ఓ పుస్తకాన్ని సీతారామన్ అందించారు. ఇందులో ప్రధానమంత్రి నరేంద్ర మోదీ సారధ్యంలోని సర్కారు నాలుగేళ్ల కాలంలో సాధించిన విజయాలను పేర్కొనడం జరిగింది.