ముంబై, జూన్ 16, 
భారతదేశంలో నివసించడానికి, ప్రజలు అనేక పత్రాలను కలిగి ఉండాలి. ఈ పత్రాల గురించి మాట్లాడుకుంటే, వాటిలో రేషన్ కార్డ్, డ్రైవింగ్ లైసెన్స్, పాస్‌పోర్ట్, పాన్ కార్డ్, ఆధార్ కార్డ్ వంటి పత్రాలు ఉన్నాయి. వీటన్నింటిలో తప్పనిసరిగా ప్రతి ఒక్కరికి ఆధార్ కార్డ్ ఉండాల్సిందే. ఈ ఆధార్ వల్ల ప్రజలు చాలా పనులు చేయించుకుంటారు. ఏ పనిలో అయినా సరే ఆధార్ ను అడుగుతుంటారు అధికారులు. చిన్న చిన్న పనులకు కూడా ఈ ఆధార్ ను ఇవ్వాల్సి వస్తుంది. ఇక చాలా మందికి లేదు ఈ ఆధార్. కొందరు మాత్రం ఆధార్ అప్డేట్ చేయించుకోలేదు. అయితే ఇప్పుడు మీరు ఆధార్ అప్డేట్ చేయించుకునే అవకాశం వచ్చింది.భారతదేశంలో దాదాపు ప్రతి పనికీ ఇప్పుడు ఆధార్ కార్డు తప్పనిసరి. ప్రభుత్వ పథకాల ప్రయోజనాలను పొందడం నుంచి పాఠశాల లేదా కళాశాలలో అడ్మిషన్ పొందడం వరకు, మీకు ఆధార్ కార్డు అవసరం. అది లేకుండా, చాలా పనులు నిలిచిపోతాయి. మీరు చాలా సంవత్సరాల క్రితం మీ ఆధార్ కార్డును తయారు చేసుకుని, అప్పటి నుంచి దానిలోని ఏ సమాచారాన్ని అప్డేట్ చేయించుకోకపోతే, దాన్ని మళ్ళీ తనిఖీ చేయాల్సిన సమయం ఆసన్నమైంది. అనేక ప్రభుత్వ పథకాలు, సేవల ప్రయోజనాలను పొందడానికి, మీ ఆధార్ వివరాలు సరిగ్గా ఉండాలి. అప్డేట్ చేయించి ఉండాలి.UIDAI అంటే భారత విశిష్ట గుర్తింపు ప్రాధికార సంస్థ ఎప్పటికప్పుడు ఆధార్ నవీకరణ కోసం కొత్త సౌకర్యాలను ప్రవేశపెడుతుంది. ఈ సౌకర్యాలలో ఒకటి మీరు చిరునామా రుజువు వంటి మీ పత్రాలను ఉచితంగా అప్డేట్ చేయించుకోవచ్చు. కానీ చాలా మంది దీనిపై దృష్టి పెట్టరు. ఇక ఆధార్‌ను అప్‌డేట్ చేసుకోవడానికి UIDAI ఉచిత అవకాశాన్ని అందిస్తోంది. గతంలో దీనికి గడువు జూన్ 14, 2025గా నిర్ణయించారు. ఇప్పుడు దానిని మార్చారు. ఇప్పుడు ప్రజలకు మరో సంవత్సరం సమయం ఇస్తున్నారు.మీరు మీ ఆధార్ కార్డును ఇప్పుడు ఫ్రీగా జూన్ 14, 2026 వరకు అప్‌డేట్ చేసుకోవచ్చు. అయితే ఎక్కువ మంది ఆధార్ అప్డేడ్ చేయించుకోవాలని ఈ నిర్ణయం తీసుకుంది UIDAI. మీరు మీ ఆధార్ ను అప్డేడ్ చేయించుకోవాలి అనుకుంటే నా ఆధార్ పోర్టల్ https://myaadhaar.uidai.gov.in ని సందర్శించడం ద్వారా చేయవచ్చు. కానీ మీరు ఆధార్ సేవా కేంద్రానికి వెళ్లి అప్‌డేట్ పొందితే, మీరు అక్కడ రుసుము చెల్లించాలి. కానీ ఈ సేవ పోర్టల్‌లో ఉచితంగానే మీరు చేసుకునే అవకాశం వచ్చింది.