గత ఏడాదిలో వచ్చిన బాలీవుడ్ సినిమాల్లో ఫెయిల్యూర్స్‌గా నిలిచిన వాటిలో ఒకటి ‘జగ్గా జాసూస్’. అనురాగ్ బసు దర్శకత్వంలో రణ్‌బీర్ కపూర్, కత్రినాకైఫ్‌లు హీరోహీరోయిన్లుగా నటించిన ఈ సినిమా అనేక వాయిదాలతో విడుదల అయ్యింది. ఎవరిగ్రీన్ అనిపించుకునే డిటెక్టివ్ సబ్జెక్ట్‌తో వచ్చినప్పటికీ ప్రేక్షకులను ఆకట్టుకోవడంతో మాత్రం విఫలమైంది ఈ సినిమా. వాయిదాలే దెబ్బతీశాయో.. లేక కథలో సత్తా లేక ఫెయిల్ అయ్యిందో కానీ.. ఆల్మోస్ట్ డిజాస్టర్ అనిపించుకుంది ఈ సినిమా. ఒక సినిమా ఫెయిల్ అయితే దాని హీరోకి నిరాశే. అయితే జగ్గా జాసూప్ ఫెయిల్ కావడం హీరోగానే కాదు, నిర్మాతగా కూడా తను భారీగానే నష్టపోయానని చెబుతున్నాడు రణ్‌బీర్ కపూర్. ప్రస్తుతం ‘సంజూ’ ప్రచార పనుల్లో ఉన్న ఈ హీరో.. జగ్గా అనుభవాన్ని వివరించాడు. ఆ సినిమాకు కో ప్రొడ్యూసర్‌గా వ్యవహరించాడు రణ్‌బీర్. ముగ్గురు నిర్మాతల్లో ఈ హీరో కూడా ఒకరు. తొలి షో నుంచినే డివైట్ టాక్ పొందింది ఆ సినిమా. నెగిటివ్ రివ్యూలు జగ్గా జాసూస్‌ను దెబ్బతీశాయి. ఆ సినిమాతో ఎంత నష్టం వచ్చిందో చెప్పలేదు కానీ, తను నష్టపోయానని మాత్రం రణ్‌బీర్ చెప్పుకున్నాడు. ఆ సినిమా తనకు ఒక పీడకల అని, ఆర్థికంగా తనను దెబ్బతీసిందని రణ్‌బీర్ వివరించాడు