YUV News Logo
YuvNews
Open in the YuvNews app
OPEN

ఫ్లాష్ న్యూస్

వార్తలు సినిమా తెలంగాణ ఆంధ్ర ప్రదేశ్ దేశీయం

చిరు టైటిల్స్ కు క్రేజ్ గురూ...

చిరు టైటిల్స్ కు క్రేజ్ గురూ...

చిరు టైటిల్స్ కు క్రేజ్ గురూ...
హైద్రాబాద్, సెప్టెంబర్ 14, 
చిరంజీవి...ఎప్పటికయినా,ఎన్నాళ్లయినా టాలీవుడ్‌లో మెగాస్టార్ అనే పేరు, ఆ స్థానం ఆయనకే సొంతం. దాదాపు పదేళ్ళ విరామం తీసుకుని మళ్ళీ సినిమా తీసినా కూడా థియేటర్స్‌లో అదే విజిల్స్ మోత, బాక్సాఫీస్ దగ్గర అదే రికార్డులు ఊచకోత. మరి ఆ రేంజ్ ఫ్యాన్ ఫాలోయింగ్ ఉన్న మెగాస్టార్ సినిమాల టైటిల్స్ అంటే ఎలా ఉంటాయి. ఆల్మోస్ట్ ప్రతి ఫ్యాన్ మైండ్‌లో స్టాంప్ పడిపోతాయి. అందుకేనేమో ఇప్పుడు కుర్రహీరోలంతా చిరు సినిమాల టైటిల్స్ పెట్టుకుంటున్నారు. దాంతో వాళ్ళ సినిమాకి ఆటోమాటిక్‌గా మైలేజ్ వచ్చేస్తుంది.గతంలో చిరంజీవి 'పున్నమినాగు' అనే సినిమా చేసాడు. అయితే అప్పట్లో చిరంజీవితో కలిసి సూపర్ హిట్స్ అందించిన కోదండరామిరెడ్డి 'పున్నమినాగు' పేరుతో ముమైత్‌ఖాన్‌తో ఒక సినిమా చేసాడు. అయితే అది చిరంజీవికి స్టార్‌డమ్ రాకముందు చేసిన సినిమా కాబట్టి దానిపై ఫ్యాన్స్ ఎవరూ పెద్దగా రియాక్ట్ కాలేదు. ఇక ఈ మధ్య కాలంలో యంగ్‌హీరోస్ ఎక్కువగా మెగా టైటిల్స్‌ని టార్గెట్ చేస్తున్నారు. చిరంజీవి చిన్న అల్లుడు అయిన కళ్యాణ్ దేవ్ హీరోగా ఎంట్రీ ఇవ్వడానికి కొత్త కథ ఎంచుకున్నా దానికి చిరంజీవి పాత సినిమా పేరు పెట్టుకున్నాడు. విజేత అంటూ ప్రేక్షకులముందుకు వచ్చిన కళ్యాణ్ దేవ్ విజయం మాత్రం సాధించలేకపోయాడు. కానీ ఆ సినిమాకి అంత పబ్లిసిటీ రావడానికి కారణం మాత్రం విజేత అనే టైటిల్ అని ఒప్పుకోవాలి.రీసెంట్‌గా బెల్లంకొండ శ్రీనివాస్ రాచ్చసన్ అనే తమిళ సినిమాని తెలుగులోకి రీమేక్ చేసాడు. ఆ సినిమాకి రాక్షసుడు అని టైటిల్ పెట్టారు. సినిమా కథకి పర్ఫెక్ట్‌గా యాప్ట్ అయిన టైటిల్, తమిళ్ సినిమాని పేరుతో సహా మార్చకుండా రీమేక్ చేసారు కాబట్టి ఆ పేరు పెట్టారు. కానీ అది చిరు నటించిన సూపర్ హిట్ మూవీ టైటిల్ కూడా. దాంతో చిరు టైటిల్ పెట్టుకున్నదందుకే బెల్లంకొండ శ్రీనివాస్‌కి ఫస్ట్ హిట్ దక్కింది అనే మాట ఎక్కువగా వినిపించింది.నేచురల్ స్టార్ నానికి కూడా చిరంజీవి సినిమా పేరుని వాడుకున్నాడు. చిరంజీవి ఆల్ టైమ్ బెస్ట్ మూవీస్‌లో ఒకటి గ్యాంగ్ లీడర్. నాని సినిమాకి అది పర్ఫెక్ట్ అండ్ యాప్ట్ టైటిల్ అవ్వడంతో దాన్నే తన సినిమా పేరుగా సెట్ చేసుకున్నాడు. దాంతో మెగాఫ్యాన్స్ నాని మీద ఫైర్ అయ్యారు. ఆ పేరుతో సినిమా చేస్తే రామ్‌చరణ్ చెయ్యాలికానీ మిగతావాళ్ళకు ఆ అధికారం లేదు అంటూ అభ్యంతరం తెలిపారు. అయినా ఆ సినిమా టీమ్ వెనక్కి తగ్గలేదు. కానీ అప్పటికే గ్యాంగ్ లీడర్ అనే పేరుని వేరే వాళ్ళు రిజిస్టర్ చేయించుకోవడంతో గ్యాంగ్ లీడర్‌కి ముందు నాని పేరు తగిలించి నానీస్ గ్యాంగ్ లీడర్ అని టైటిల్ పెట్టారు. చిరంజీవి సినిమా టైటిల్ పెట్టడం వల్ల నానీస్ గ్యాంగ్ లీడర్‌కి చాలా హైప్ వచ్చింది.ఇక తమిళ్ హీరో కార్తీ ఇప్పుడు ఒక సినిమా చేస్తున్నాడు. ఆ సినిమా పేరు ఖైదీ. చిరంజీవికి మాస్‌లో తిరుగులేని ఫాలోయింగ్ పెంచి స్టార్ హీరో ఇమేజ్ ని తెచ్చిన సినిమా ఇది. ఇప్పుడు అదే పేరుతో కార్తీ సినిమా వస్తుండడంతో ఆ సినిమాపై సూపర్ బజ్ క్రియేట్ అవుతుంది. ఇలా చాలామంది చిరంజీవి సినిమాల పేరునే తమ సినిమాలకు పెట్టుకుంటున్నారు. అలా వస్తున్న సినిమాల్లో ఎక్కువ శాతం సినిమాలు హిట్ అవుతుండడంతో అదొక సెంటిమెంట్ గా కూడా మారుతుంది. ముందు ముందు ఇంకెంతమంది చిరంజీవి సినిమాల పేరుని వాడుకుంటారో చూడాలి.

Related Posts