YUV News Logo
YuvNews
Open in the YuvNews app
OPEN

ఫ్లాష్ న్యూస్

వార్తలు రాజకీయం తెలంగాణ ఆంధ్ర ప్రదేశ్ దేశీయం

రాహుల్ చేతులెత్తేశారు...

రాహుల్ చేతులెత్తేశారు...

రాహుల్ చేతులెత్తేశారు...
న్యూఢిల్లీ, 
రాహుల్ గాంధీ పార్టీ పట్ల, ఎన్నికల పట్ల అంత సీరియస్ గా లేదన్నది మరోసారి స్పష్టమయింది. మహరాష్ట్ర, హర్యానా ఎన్నికల సమయంలో ఆయన విదేశీ పర్యటన పార్టీలోనూ దుమారం రేపుతోంది. హర్యానా ఎన్నికల విషయం పక్కన పెడితే మహారాష్ట్ర ఎన్నికల్లో గెలుపు కాంగ్రెస్ కు ప్రతిష్టాత్మకం. మహారాష్ట్రలో కాంగ్రెస్ గెలవకపోయినా కనీసం సత్తా చాటలేకపోతే క్యాడర్ లోనూ, నేతల్లోనూ నిరుత్సాహం తప్పదు.గతంలో గుజరాత్ అసెంబ్లీ ఎన్నికల్లో రాహుల్ సారథ్యంలోనే ఎన్నికలకు కాంగ్రెస్ వెళ్లింది. ఆ ఎన్నికల్లో మోడీ, షాల సొంత రాష్ట్రంలోనే రాహుల్ గాంధీ వారికి చుక్కలు చూపించారు. గుజారాత్ లో కాంగ్రెస్ గెలవకపోయినా గెలిచినట్లేనని విశ్లేషకులు సయితం అంగీకరించారు. శివసేన అధినేత ఉద్ధవ్ థాక్రే సయితం గుజరాత్ అసెంబ్లీ ఎన్నికల తర్వాత రాహుల్ గాంధీపై ప్రశంసల వర్షం కురిపించారు. రాహుల్ గాంధీ పరిణితి చెందిన నాయకుడిగా ఠాక్రే అభివర్ణించారు.అయితే ఇటీవల జరిగిన సార్వత్రిక ఎన్నికల్లో కాంగ్రెస్ పార్టీ ఘోర ఓటమిని చవి చూడటంతో రాహుల్ గాంధీ డీలా పడిపోయారు. తన మీద తనకే నమ్మకం లేనట్లు ఏఐసీసీ అధ్యక్ష పదవికి రాజీనామా చేశారు. పార్టీని భుజానికెత్తుకోవాల్సిన సమయంలో రాహుల్ గాంధీ కాడి వదిలేయడాన్ని సీనియర్ నేతలు సయితం తప్పుపట్టారు. ఎంతమంది సర్దిచెప్పినా, పెద్దలు బుజ్జగించినా రాహుల్ గాంధీ వినలేదు. చివరకు సోనియా గాంధీ పార్టీ పగ్గాలు చేపట్టాల్సి వచ్చింది.ఇప్పుడు మహరాష్ట్ర, హర్యానా ఎన్నికలు జరుగుతున్న సమయంలో రాహుల్ గాంధీ విదేశాలకు వెళ్లడం పార్టీలో చర్చనీయాంశంగా మారింది. పార్టీ పట్ల రాహుల్ గాంధీకి సీరియస్ నెస్ లేదని సీనియర్ నేతలు సయితం అంగీకరిస్తున్నారు. రాహుల్ విదేశీ పర్యటనలను బీజేపీ తనకు అనుకూలంగా 
మలచుకుంటోంది. అసలే మహారాష్ట్రంలో అంతంత మాత్రంగా ఉన్న కాంగ్రెస్ పార్టీ రాహుల్ గాంధీ వ్యవహారశైలితో మరింత దెబ్బతినే అవకాశముంది.

Related Posts

0 comments on "రాహుల్ చేతులెత్తేశారు..."

Leave A Comment