ట్రాపేసి….జేబులు గుల్లచేసి…..
అబ్బాయిలకు ఎర వేసే గ్యాంగ్ ఆరెస్టు
విశాఖపట్నం 
అబ్బాయిలకు ఎర వేసిన కిలాడి గ్యాంగ్ను విశాఖ సైబర్ క్రైమ్ పోలీసులు అదుపులోకి తీసుకున్నారు. ఈ గ్యాంగ్ ఫేక్ డేటింగ్ సైట్లతో కిలాడి గ్యాంగ్ జనాలను ట్రాప్ చేస్తోంది. కోల్ కతా కేంద్రంగా సాగుతున్న ఈ దందాకు దేశ వ్యాప్తంగా ఎంతో మంది బలవుతున్నారు.  . ఆన్లైన్ డేటింగ్ సైట్లతో అందమైన అమ్మాయిలు తమ హస్కీ వాయిస్తో అబ్బాయిలకు మత్తెక్కించి ట్రాప్లోకి దించుతున్నారు. కోల్కతా కేంద్రంగా గ్యాంగ్ ఆగడాలు సాగుతున్నట్లు, ఓస్లాం ఐటీ ముసుగులో దందా చేస్తున్నట్టు సైబర్ క్రైమ్ పోలీసులు తేల్చారు. ఈ నేపథ్యంలో 24 మంది అమ్మాయిలు, ఇద్దరు అబ్బాయిలను పోలీసులు కలకత్తాలో అరెస్ట్ చేసి కోర్టులో హాజరు పరిచారు. వారి వద్ద నుంచి 40 సెల్ ఫోన్లు, 3 ల్యాప్ టాప్లు, సిమ్ కార్డులు స్వాధీనం చేసుకున్నారు. 
ముందుగా అందమైన అమ్మాయిల ఫొటోలను పెట్టి, పలు ఆకర్షణీయమైన ఆఫర్లతో జనాలను ఈ గ్యాంగ్ ట్రాప్ చేస్తుంది. గ్యాంగ్ కు చెందిన అమ్మాయిలు తీయని మాటలతో కస్టమర్లను ఆకట్టుకుని, వారి జేబులను గుల్ల చేస్తారు. 
విశాఖలో ఒకరి నుంచి రూ. 18 లక్షలు, మరొకరి నుంచి రూ. 3 లక్షలను ఈ గ్యాంగ్ కాజేసింది. ఇంకా బయటపడని బాధితులు చాలా మందే ఉంటారని అనుమానం. బాధితులు ఇచ్చిన ఫిర్యాదుతో విశాఖ పోలీసులు రంగంలోకి దిగారు. తీగ లాగితే కోల్ కతాలో డొంక కదిలింది.