గ్రామీణ నేపథ్యం ఉన్న 45 రైల్వే స్టేషన్లకు వైఫై సదుపాయం కల్పించనున్నట్లు దక్షిణ మధ్య రైల్వే ప్రకటించింది. ఈ మేరకు రైల్వే బోర్డు ఆదేశాలు జారీ చేసింది. 

ఇప్పటి వరకు జోన్‌ వ్యాప్తంగా ఉన్న ఏ-1, ఏ, బీ కేటగిరీ స్టేషన్లకు మాత్రమే వైఫై సదుపాయం ఉంది. 

ప్రస్తుత ఆర్థిక సంవత్సరంలో కొత్తగా గ్రామీణ నేపథ్యం ఉన్న 45 రైల్వే స్టేషన్లకు వైఫై సదుపాయం కల్పించాలన్న రైల్వే బోర్డు ఆదేశాల ప్రకారం 7 డీ-కేటగిరీ స్టేషన్లు, 35 ఈ-కేటగిరీ స్టేషన్లు, 3 ఎఫ్‌-కేటగిరీ స్టేషన్లకు కూడా వైఫై సౌకర్యం కల్పించారు. 

ప్రిన్సిపల్‌ చీఫ్‌ సిగ్నల్‌, టెలీ కమ్యూనికేషన్స్‌ ఇంజినీర్‌ వినయ్‌మోహన్‌ శ్రీవాస్తవ, ఆయా డివిజన్ల డీఆర్‌ఎంలను దక్షిణ మధ్య రైల్వే జనరల్‌ మేనేజర్‌ వినోద్‌కుమార్‌యాదవ్‌ ఈ సందర్భంగా అభినందించారు.