.jpg)
న్యూ ఢిల్లీ మార్చ్ 17
ర‌ష్యా దాడిలో దారుణం జ‌రిగింది. వేలాది మంది శ‌ర‌ణార్థులు త‌ల‌దాచుకుంటున్న మారిపోల్ డ్రామా థియేట‌ర్‌పై బాంబు దాడి జ‌రిగింది. ఆ దాడిలో వంద‌ల సంఖ్య‌లో జ‌నం శిథిలాల కింద చిక్కుకున్న‌ట్లు తెలుస్తోంది. దాడిలో ఎంత మంది మ‌ర‌ణించారో ఉక్రెయిన్‌ ప్ర‌భుత్వం ఇంకా స్ప‌ష్టం చేయ‌లేదు. ఈ ఘ‌ట‌న గురించి ఇంకా అధికారిక ద్రువీక‌ర‌ణ జ‌ర‌గ‌లేదు. కానీ ఈ దాడిని ఎన్న‌టికీ మ‌రిచిపోలేమ‌ని మారిపోల్ సిటీ కౌన్సిల్ తెలిపింది. స‌మీప ప్రాంతాల్లో భారీగా దాడులు జ‌రుగుతున్న నేప‌థ్యంలో డ్రామా థియేట‌ర్‌లో ఎంత మంది చ‌నిపోయారో ఇప్పుడే తేల్చ‌లేమ‌ని అధికారులు చెబుతున్నారు.