న్యూఢిల్లీ, మే 6, 
భారతదేశం 2025లో జపాన్‌ను వెనుకబెట్టి ప్రపంచంలో నాల్గో అతిపెద్ద ఆర్థిక వ్యవస్థగా మారుతుంది. అంతర్జాతీయ ద్రవ్య నిధి తన తాజా వరల్డ్‌ ఎకనామిక్స్‌అవుట్ లుక్ పేరిట  నివేదికలో ఈ వాదనను చేసింది. అంచనాల ప్రకారం, భారతదేశం నామినల్ జీడీపీ 2025లో 4.187 ట్రిలియన్ డాలర్లకు చేరుకుంటుంది, ఇది జపాన్ అంచనా వేసిన 4.186 ట్రిలియన్ డాలర్ల జీడీపీ కంటే కొంచెం ఎక్కువ. అంటే ఒక టఫ్‌ కాంపిటీషన్‌లో భారతదేశం ఇప్పుడు జపాన్‌ను అధిగమిస్తుంది.2024 వరకు భారతదేశం ప్రపంచంలో 5వ అతిపెద్ద ఆర్థిక వ్యవస్థగా ఉంది, కానీ IMF ప్రకారం 2025లో భారతదేశం జపాన్‌ను అధిగమించి నాలుగో స్థానానికి చేరుకుంటుంది. అతి ముఖ్యమైన విషయం ఏమిటంటే భారతదేశ ఆర్థిక వ్యవస్థ పరుగులు ఇక్కడతో ఆగదు, నివేదిక 2028 నాటికి భారతదేశం జర్మనీని కూడా వెనుకబెట్టి మూడోస్థానంలోని చేరుకుంటుంది. దీంతో మూడో అతి పెద్ద ఆర్థిక వ్యవస్థగా మారుతుందని చెబుతోంది. భారతదేశం 2027 నాటికి 5 ట్రిలియన్ల ఆర్థిక వ్యవస్థగా మారుతుంది. నివేదిక 2028 నాటికి భారతదేశం జీడీపీ 5.58 ట్రిలియన్ డాలర్లకు చేరుకుంటుందని, అదే సమయంలో జర్మనీ జీడీపీ 5.25 ట్రిలియన్ డాలర్లుగా ఉంటుందని చెబుతోంది.2025 టాప్ 10 ప్రపంచ ఆర్థిక వ్యవస్థల జాబితాలో భారతదేశం నాలుగో స్థానంలో ఉంటుంది, దీనివల్ల దాని ఆర్థిక స్థాయి మరింత బలపడుతుంది. అంతర్జాతీయ ద్రవ్య నిధి  నివేదిక ప్రకారం, అమెరికా 30.5 ట్రిలియన్ డాలర్ల జీడీపీతో మొదటి స్థానంలో ఉంటుంది, అయితే చైనా 19.2 ట్రిలియన్ డాలర్ల ఆర్థిక వ్యవస్థతో రెండో స్థానంలో ఉంటుంది. జర్మనీ మూడో స్థానంలో ఉంటుంది, దీని అంచనా వేసిన జీడీపీ 4.74 ట్రిలియన్ డాలర్లు. ఆ తరువాత నాలుగవ స్థానంలో భారతదేశం ఉంటుంది, ఇప్పుడు అంచనా ప్రకారం ఆర్థిక వ్యవస్థ 4.18 ట్రిలియన్ డాలర్లుగా ఉంది.భారతదేశం కంటే కొంచెం వెనుకబడి జపాన్ ఉంటుంది, దీని జీడీపీ 4.18 ట్రిలియన్లు అవుతుంది కానీ ఇది భారతదేశం కంటే కొంచెం తక్కువగా ఉంటుంది. ఆ తరువాత యునైటెడ్ కింగ్‌డమ్ (యూకే) 3.83 ట్రిలియన్లతో ఆరవ స్థానంలో, ఫ్రాన్స్ 3.21 ట్రిలియన్లతో ఏడవ స్థానంలో, ఇటలీ 2.42 ట్రిలియన్లతో ఎనిమిదవ స్థానంలో, కెనడా 2.22 ట్రిలియన్లతో తొమ్మిదవ స్థానంలో మరియు బ్రెజిల్ 2.12 ట్రిలియన్ డాలర్ల ఆర్థిక వ్యవస్థతో పదవ స్థానంలో ఉంటుంది.2025లో కూడా అమెరికా, చైనా ప్రపంచంలో అతిపెద్ద రెండు ఆర్థిక వ్యవస్థలుగా ఉంటాయి. IMF దశాబ్దం చివరి వరకు ఈ పరిస్థితి కొనసాగుతుందని చెబుతోంది. నివేదికలో భారతదేశం వృద్ధి రేటును 2025 కోసం 6.5 శాతం నుంచి తగ్గించి 6.2 శాతం చేసిందని కూడా తెలిపింది. దీనికి కారణం అమెరికా  టారిఫ్ విధానాల వల్ల ఏర్పడిన ఒత్తిడి. అయితే నివేదికలో భారతదేశం  వృద్ధి సాపేక్షంగా స్థిరంగా ఉందని, దీనికి ప్రధాన కారణం గ్రామీణ ప్రాంతాలలో ప్రైవేట్ వినియోగం లేదా వ్యక్తిగత ఖర్చుల పెరుగుదల అని కూడా పేర్కొంది.ప్రపంచం గత 80 సంవత్సరాలుగా నడుస్తున్న ఆర్థిక వ్యవస్థ ఇప్పుడు మారుతోందని హెచ్చరించింది. కొత్త ఆర్థిక వ్యవస్థ ప్రారంభమవుతోంది. ఈ మార్పుల మధ్య భారతదేశం పాత్ర రానున్న సంవత్సరాల‌్లో మరింత ముఖ్యమైంది అవుతుంది. భారతదేశ ఆర్థిక వ్యవస్థ దూసుకెళ్తున్న  వేగం రానున్న దశాబ్దం భారతదేశానిదే అని సూచిస్తుంది.