మచిలీపట్నం
మాజీ మంత్రి  పేర్ని నానికి  ప్రభుత్వ విప్, గన్నవరం ఎమ్మెల్యే యార్లగడ్డ వెంకట్రావ్ సవాలు విసిరారు. వల్లభనేని వంశీపై నేను తప్పుడు కేసులు పెట్టలేదు. తప్పుడు కేసులు పెట్టానని గన్నవరం వచ్చి పేర్ని నాని నాపై చేసిన విమర్శలకు నేను చర్చకు సిద్ధం. పేర్ని నాని చర్చకు వస్తావా..!? వల్లభనేని వంశీయే కాదు గన్నవరంలో ఏ ఒక్క వైసీపీ కార్యకర్తపై కూడా నేను తప్పుడు కేసులు పెట్టలేదు. కావాలంటే అన్ని పోలీస్ స్టేషన్ల నుండి రికార్డులు తెప్పించుకుని చర్చకు రా.. చర్చించేందుకు నేను సిద్ధంగా ఉన్నాను. ప్రజలకు సేవ చేయడం కోసమే నేను రాజకీయాల్లోకి వచ్చా. నకిలీ పట్టాలు పంచినప్పుడు, టీడీపీ ఆఫీస్ దాడి జరిగినప్పుడు నేను ఏ పార్టీలో ఉన్నానో మీకు తెలియదా..?    వైసీపీలో ఉండగా నేను ఏ నాడు మీలా చంద్రబాబును గానీ, లోకేష్ ను గానీ, చంద్రబాబు సతీమణిని గానీ వ్యక్తిగతంగా దూషించలేదు, అవమానించలేదు. మీరు దూషిస్తుంటే ఇది తప్పు అని ప్రెస్ మీట్ పెట్టి ఖండించిన వ్యక్తిని నేనని అన్నారు.